Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

Тонафнемат и аф юкснемат эсь юроньке

Конференцияса примасть участия Мордовиянь учёнайхть, педагокт, архивонь сотрудникт, библиотекарьхть, краеветт, священнослужительхть. Синь ётксост ульсть инжихть Татарстан и Чувашия Республикатнень эзда, Пензенскяй областьста.

Пуромксть панжезе МР-нь культурань, национальнай политикань и архивнай тевонь министрть заместителец Н.В.Бычков, сон азсь приветствиянь лямбе валхт сембе пуромфненди. Николай Владимирович китькстазе, што кда минь шарфнетяма мяль странаньконь историянц лангс, мяль вельде тонафнесаськ народоньконь ётай пингонц, аньцек эста карматама эряма мастороньконь инкса ответственностень марязь, павазу сай пингонь строязь.

Мордовия Республикань образованиянь министрть заместителец И.К.Дугушкин сембе пуромфнень поздравляндазень малаткшни 1 сентябрть—Содамошинь шить мархта. Аф стак тя конференциясь ётафтовсь тя илать карша, штоба нинге весть корхтамс иттнень духовно-нравственнай, патриотическяй воспитанияснон колга.

Конференциять пингста кулхцонтфоль мялень салай лама докладта, кепотьфоль-ванфоль аф кржа оржа кизефкста.

Конференциянь пленарнай заседаниять и секциятнень работаснон пингста участникне стане жа корхтасть сянь колга, кода тиемс школаса краеведениянь урокнень шабатненди сяда мялень салайкс. Кепотьксонди, водендакшнемс тонафнихнень школьнай музеень кочкамань-пуроптомань тевти, архивнай документтнень мархта работамати, касфтомс шачема краень историять коряс ётафневи конкурснень лувксснон и стак тов.

Т.ПЕТРОВА.


05.09.2019 №35
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин