Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

НАЦИОНАЛЬНАЙ КУЛЬТУРАСЬ КЕНЯРТЬФНЕСЫНЕ ЛОМАТТНЕНЬ

«Шумбрат» Саратовскяй областень мокшэрзянь национально-культурнай центрась тяддень август ковть песта примась участия «Ершовские подсолнухи» Межрайоннай I фестивальса.

Сонь аноклазе Саратовскяй областень Ершовскяй райононь и Ершов ошень администрациясь региональнай общественнай организациятнень лезксснон вельде. Тя илати символкс шинжаромась кочкафоль аф стак. Сембонди содаф: шинжаромась пяк кельгсы шинь валдть и лямботь, а синь вельдест сон пуроптозень фкя илас российскяй нациянь сембе народонь представительхнень.

«Ершовскяй шинжаромат» Межрайоннай I фестивальса няфтезь эсь национальнай культураснон, койснон, щамбяльснон, ярхцамбяльснон и национальнай лия козяшиснон сембе народонь представительхне, конат эряйхть Саратовскяй областьса. Синь ётксост няевикс вастса ульсь мокшэрзянь национальнай культурась.

Кода азозе «Шумбрат» организациять председателец В.И.Кривошеева, фестивальс пуромфнень мяльс пяк тусь «Мордовочка» фольклорнай группать выступленияц. И тя корхтай сянь колга, што мокшэрзянь национальнай культурась эряви аф аньцек мокшетненди и эрзятненди, но и российскяй нациянь лия народонь представительхненди. Сяс минь национальнай культураньке кармай касонкшнема-вииякшнема сяда тов и кеняртьфнема ломаттнень эса!

В.НЕСТЕРОВ.


05.09.2019 №35
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин