Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Кода эрят, мокшень веле?

…Мазыдонга мазы вастса ащи Краснослободскяй райононь Сире Синдру мокшень велесь. Тяза вяти кить кафта ширьганза панжихть сельминголе паксятне и лугатне, оцю серес кеподихть пиче вирьхне, конат козят пангса и иможса. Ули Сире Синдруса и аф оцю ляйня, лемоц сонь Модаевка. Видексонь сведенияда сянь колга, мзярда эвондась велесь, ужяленди, аф лама. Археологическяй раскопкатнень коряс содавсь, што велесь шачсь сисемце векста минь пингтонк инголе. Аф весть полафнесь вастть лемоц: Синоров, Синоровка, Синдоровка, Синдорово, Синдрово… 1841 кизоста сявомок велесь лемневи Сире Синдрукс.

Велеть пяк козя историяц. Сатомшка лятфтамс тястонь эряйхнень С.Разинонь и Е.Пугачевонь движениясост улемаснон колга. Мордовияса пуроптфоль отряд, сонь вятезе Мартынов. Тяса пуромфоль колма тежянть малава ломань. Отрядсь мольсь Саранскяйста Краснослободскяи. Васенда сась Инсару, а тоста—Сивинь веленяв, кона ащи 12 вайгяльбень вастса Синдруть эзда. Сивиньца синь срафтозь-калафтозь кшнинь ноляй заводть, тяда меле пугачевецне састь Сире Синдрув, коса тапазь-розарязь винань ноляй заводть. Эста велень ламоц ломаттне сувасть отрядти.

XVIII-це веконь 40-це кизотнень велеряйхне етафтфтольхть христианствати. Велеса ульсть колма церькафт, мекольцесь строяфоль XIX-це векть песта—XX-це векть ушетксста. Васенце церькавсь лемтьфоль святой Николай Чудотворецонди и мученикти Дмитрий Солунскяенди. Сире Синдру велеть пристольнай илац васьфневи 8 ноябрьста, Дмитрий Солунскяень шачема шистонза.

Церькавсь сембе пинкнень занцесь башка васта ломаттнень эряфса. Сонь видесонза служайхне лама тисть велеряйхнень образованияснон, культураснон козякофнеманкса. 1929 кизоня Синдрунь церькавсь селкфоль. Разнай пингста зданиять эса ульсь мастерской, школа, нльне утопт. 90-це кизотнень церькавсь панчфоль одукс. Сонь петемац-тиемац мольфтеви тя пингс.

Инголи Синдруса пяк ламоль эряйда. Эрь семьяса лувондовсь кота-сисем ломатть. Но пингонь етазь населениять лувксоц ушедсь кирема. Кда варжакстомс кунардонь документтненди, няйсаськ, 1900 кизоня Синдруса шачсь 161 шаба: 88 цераня и 73 стирня, рьвяясь 36 од ломань. А тяни фкя идть шачемацка оцю праздник. Инголи Синдрусь лувондовсь мокшень велекс, но пингонь етазь тяса эвондасть руз ломаттьке. Синь сафтольхть работама винокуреннай заводу, кона панчфоль тя аймакса. Мокшетне и русне эрясть фкя-фкянь мархта ладязь, улендсь, што синь пуропнесть семьятка.

1917 кизонь революциясь ламода полафтозе велеть эряфонц. Винокуреннай заводсь срафтфоль-калафтфоль, крестьяттне врьгятнесть администрациять лангс. Ся кизотнень аф кржа аля кулось винада симомать эзда. Революцияда меле Синдруса пуроптфоль велень Cовет, а меле—ашувонь комитет.

Великай Отечественнай войнаське сувафтсь велети аф кржа полафткс. Алятнень сявондезь фронту и ламонцне еткстост меки ашесть мрда.

Войнада меле 1951 кизоти молемс Синдруса ульсть 3 колхост, а сяльде синь шовордазь марс. Тя ульсь И.В.Сталинонь лемса оцю колхоз. Пингонь етазь сон кармась лемневома «Старосиндровскяйкс» и 1966 кизоня эзонза сувсесь 16 веленя. Эста Синдруса ломаттнень кудга нолдафоль ведь, панчфтольхть лавкат, Культурань куд, Саранск-Старое Синдрово автобуснай линия.

—Ужяль, но кизоста кизос шачема велезе коль кири и кири,—азонды Василий Филиппович.—Тихтяма тяфтама сравнения: 1927 кизоня тяса лувондовсь 3132 ломань, 1950 кизоня—2360, 2004 кизоня—цютькя 1000-да лама, а тяни ни сядонга кржа.

Мекольдень кизотнень сёлгозь больницять, средняй школать. Колма этажса больницяса, коса покодсть сембе специальностень врачне, тяни лядсь фкя фельдшер. А оцю классонь тонафнихне тяни школав усксевихть Учхозу.

Но ули мезенкса кенярдемска. Ушедсть мртцема шачема вастозост шири туфне, тяса путневихть од кутт, одкстоптови-петеви церькавсь, стройсевихть кит. Оцю тефт велеть эреклафтоманкса тиенди «Синдровчане» землячествась, коза сувасть Синдруть стиренза-церанза. Вятьсы сонь Саранск ошень мэрсь П.Н.Тултаев. Сонь вельденза велеса путф часовня, петьфт-тифт калмотне.

Сире Синдруса эряйхть трудонь кельги, пара вайме ломатть, конат кородозь ванфнесазь национальнай козяшиснон. Пуроптф «Мокшаваня» фольклорнай ансамбльсь, конань вятьсы МР-нь культурань Заслуженнай работниксь А.П.Рябова. Велеса весяласта васьфневихть ламоц илатне.

Эрь кизоня келиста ётни Сире Синдру велеть шиц. Пуромкшнихть праздникс велеса шачф-касф ломаттне, конат тяни эряйхть оцю странаньконь келес. Синь марса арьсекшнихть Сире Синдруть ванфтоманц-эреклафтоманц колга.

О.ЕВДОКИМОВА.


Сире синдрусь исяк и тячи
 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022