Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

Нюрьхкяня интервьют

Светлана Алексеевна Деняева, Рузаевскяй райононь Мокшень Пишля велень клубть директороц:

—Келиста, мялень салайста етась «Кургоня» национальнай культурань V-це юбилейнай фестивальсь. Кода и фалу, эсонза примасть участия Рузаевскяй муниципальнай райононь велень сембе поселениятне, тяконь лувксса миньге. Мокшень Пишля велень клубть эзда етафтфтольхть тяльмонь сотомать, каркскянь кодамать коряс мастер-класст. Тяда башка, анокламе велень хозяйствань оцю выставка, главнай и емла сценатнень лангса мораме морот. Фестивальсь казсь тейнек кенярдема, марс пуромома. Мордовиянь творческяй коллектифне няфтезь эсь пряснон, маштомошиснон, а стане жа, арьсян, козякофтозь опытснон.

 

Чадиттнень семьясна, Рузаевскяй райононь Пайгарма велесь:

—«Кургоня» фестивальти сашенттама семьянь келеса. Тя праздниксь арась тейнек тонатфокс. Тядде етась ветецеда, а колма кизот мельцек пуропнемазь фкя сяка вастти—Приреченскяй велень поселениянь Левженскяй велеть ваксса оцю кужети. Сашенттама аф аньцек ванома, но и участиянь примама.

Авторть эзда. Афкукс, «Кургоняса» Чадиттнень семьясна ульсь аф кода инжи, а участник. Рьвясь, Юлия Николаевна, работась выставкаса, щафоль-каряфоль мокшавакс. Стирьсна Алина ульсь мастер-класснень эса, ашезь лядонда эздонза Карина сазорняц. Вов тяфта шабатне касфтовихть афкуксонь патриотокс, коень-обуцянь, родной культурань кельгикс.

 

Наталья Назарова, Рузаевскяй райононь Пайгарма велесь:

—Тядде «Кургоня» фестивальти сашендсь «САДко» московскяй группась, конань учезь пяк ламонцне. Концертсь тусь сембонь мяльс. «Ромашки», «Мордовочка» и лия моротне эждезь ломаттнень ваймоснон. Сембе марятама оцю гордость «САДко» группать солистонц—земляконьконь, Старошайговскяй и Краснослободскяй райоттнень цераснон Александр Бардинонь инкса! Пара улель, кда тя группась тердеволь и лия праздникненди.

Т.Альшина.


«Кургоня» V юбилейнай фестивальсь ётась ветес!
05.09.2019 №35
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин