Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Юмор и сатира

МИШЕНДЕВИ АТЁКШ

—А атёкшть,—мярьгсь бабась стирьшаба уноконцты,—архт кантк базару да мик питниняста.

Стирнясь путозе кукоряйть кептерняс и тусь. Сяка шиня пялост сувась налогонь кочкайсь. Боксонза нюрьги кедень кошяль.

—Косот куднармоненте? Пинге инксост пандомс налог.

—Да аш минь кодамовок куднармоненьке,—пшкядсь бабась ризназне.—Атёкшеньконь и сараскяньконь салазень кувака пула келазсь, ворьфтезень шобда вири.

—Тон, сиремор, пря уйнень тяйть шобдалгофне. Мон тейть аф таяфтф атнайнян,—мярьгсь налогонь кочксись казямста и кармась ванондома вярьге-алга. Сяльде лиссь пирьфи. Тоста ушедсь вешендема. Да ашезь маря кодамовок кукоряма, кодамовок ктнама. Куцендсь кудботмаруга, кудса варжакснесь цюгуттнень потмаксс. Сараскять эзда ашезь ляткшне ни шиненявок, а сонь «мирдец» ся пингть базарсоль, учсезе рамаенц.

Стирнясь ащесь кептернянц ваксса, коса шерьфнезе эсь якстерь сюрьхцемонц атекшсь да ко-кокснесь.

Стирняти маладсь якстерь сакал аля: «Мишендьсак? А сараст шятни?»—«А-аф...»—стирнясь ерась мярьгомс—сяшканц сон аф содасы да саразсновок аш, но кялец ашезь шарфтов. Сакалусь яфодезе кяденц и аердсь маластонза. Кле, месенди саразонь аф шятни атёкшть мархта! Тяфтамсь аф эряви.

Ширеняса ащесь кудря пря од цёра. Бронь сельме—ёжу ванф. Ужялькс теенза арась мазы стирнясь. Маладсь теенза, мярьгсь:

—Тон мес мишендеви паршицень сялнесак? Тяфта хуш шиньберьф ащек, а сонь кивок аф рамасы. Эрька кукоряйцень тейне.

Кудря пря цёрась сявозе кядезонза атёкш мархта кептернять и сонць: «Кукареку-у-у!». Перьфканза пуромсть ломатть. «Мезьда мишендьсак тяшкава мазыста морайцень?»—кизефнихть сембе пяльде.

—Аф оцю питне анцян.

—А сараст шятни?—ломаттнень ёткова инголи навазе якстерь сакалу няренц сяка алясь, кона тяда инголе ни малаткшнесь.

—Шятни!—мярьгсь цёрась.—Сарастка шятни, яксярктка, мацихтьке. Да нинге рыжай соседозень рьванц лангс варжаксни.

Алясь сюдердазень якстерь сакалонзон, потазевсь.

—Рыжай соседцень рьванц лангс?..

И кяшевсть сакалонза ломаттнень фталу.

Атекшть инкса фкя козяля макссь лама ярмак. Стирнясь кенярдсь. Эста сон кудря пря цёрать мархта тись пара ялгакс. А пингонь ётазь ся сявозе сонь рьвакс.

М.МОИСЕЕВ.


05.09.2019 №35
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин