Поиск по сайту: 
 

Архив
 октябрь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Национальная тематика

Мокшекс щаф някат Раиса Кубасовать эзда

Кемонце кизось Раиса Васильевна заняф культураса. Сон велень клубть азоравац, аноклакшни лама мялень салай ила, штоба велеряйхне весяласта ётафнелезь ётка пингснон.

 

Ули Р.В.Кубасовать кельгома тевоц. Сон стакшни мокшэрзянь национальнай щапт и наряжакшни мархтост някат. Тевсь тя аф тёждя, но мзяра кенярдемада канни сон ломаттненди. Фкявок народнай ила, фкявок выставка аф ётни Раиса Васильевнань някафтомонза.

 

Кемонь кизоста авась стась няканди пяле сядошка мазы наряд, синь ванфтовихть народнай искусствань кельгихнень кядьса, музейса. Кемонть эздост казезень Москувонь чиновникненди, Мордовиянь культурань министрти, мзярда примсесь участия российскяй и региональнай оцю мероприятиятнень эса. Мокшекс щаф някатне кандыхть ломаттненди кенярдема, пара мяльхть-арьсемат, а мастерицати—седиень озафтома.

 

2014 кизоня «Шумбрат, Мордовия!» народнай творчествань республиканскяй фестивальса трудонь ветеранти Раиса Кубасовати максфоль «Мастер года» диплом. Тя казнеть Раиса Васильевна получазе аф аньцек мазы няканзон инкса, но и национальнай культурати оцю путксонкса. Тяда инголе машты кядь авась казьфоль Мокшэрзянь народть Российскяй государствань лия нароттнень мархта ладязь эрямаснон 1000 кизонь топодеманцты юбилейнай медальса. Мзярда Ковылкинскяй районти топодсь 90 киза, машты кядь мокшавась и сонь творчествац отмечафоль тага фкя медальса.

 

Диплопт, грамотат, благодарностть—мзяра эздост, Раиса Васильевна афи лятфтасы.

 

П.САМСОНКИН.

 


03.10.2019 №39
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин