Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Национальнай проекттнень—эряфс!

Кода удалась содамс МР-нь Вирень, охотничай хозяйствань и природопользованиянь министерстваста, Мордовияса, кода и лия региоттнень эса, ули пуроптф общественнай контролень система. Тя эсь лацонь волонтерскяй объединения, коза можна сувамс сембонди, кинь мялец. Движениянь участникне кармайхть лезнема мушендомс и машфнемс аф санкционированнай свалкатнень. Стане жа работати водендавихть и аф фкя лацонь специалисттне. Республикасонк тячиень шити содафт 8 тяфтама свалкат, а стане жа 2 аф санкционированнай полиготт. Сембе синь улихть машфтфт 2024 кизоть самс. Тянкса эрявикс ярмаконь средстватнень оцюшка пялькссна нолдавихть федеральнай бюджетста.

 

Марнек странаса пичефтикс лядонды кожфти рдазыяфты веществатнень повомасна. Инь оржаста тя прябалась ащи тяфтама ошнень эса, кода Магнитогорскяйсь, Челябинскяйсь, Новокузнецкяйсь, Норильскяйсь и лиятне. Мордовияса тефне тянь ширде ащихть аф кальдявста, кожфса рдазыяфты веществатнень лувкссна фалу кирдеви контроль ала. Шарьхкотьф, тяса уликс завоттне эсь работаснон мархта сембе сяка кой-мзярода рдазыяфнесазь кожфть, но сон, тя рдазыяфтомась, ладяф нормать коряс аф сяда оцю. Сембе предприятиятнень эса, конат тиендихть перьфпяльти няевикс зиян, тевс нолдавихть «аруяфты» технологиятне и экологическяй регулированиянь систематне.

 

Кота кизоста, 2024 кизоть самс, Россияса эвондай башка ванфтови 24 од природнай территория, 11 специальнай программась лездыхть касфтомс шуроста васьфневи животнайхнень лувксснон. Башка мяль шарфтови экотуризмать виияфтоманцты. Кда 2018 кизоня заповедникненди и национальнай паркненди сашендсь 3,6 миллион ломань, то 2024 кизоть самс синь лувксснон арьсекшневи касфтомс 7,9 миллион ломаньц. Тянь коряс программаса примайхть участия республикань 91 охранно-природнай зонась и кафта заповедникне. Синь ванфтомасна—эрявикстонга эрявикс тев, сяс мес ару перьфпяльсь эряви ломанти шумбраста эряманкса. Стане жа оцю мяль шарфневи вирьхнень ванфнемаснонды. Кода азфоль, Мордовияса вирьхнень эреклафнеманкса нолдави 343 миллион цалковай. Меля вии варматне веляфтсть-синнесть лама шуфта. Тяни синь вастозост озафневихть од касыкст. Ся васттнень эса, коса мекольдень кизотнень ульсть пожархт, озафтовихть од пиченят и кузнят.

 

«Экология» нацпроектть рамкаса оцю работа кармай мольфтевома ведень объекттнень ванфтомаснон коряс. Мордовияса тя васендакиге Мокша ляйсь. Сонь кувалмоц республикать эзга—320 вайгяльбе. Национальнай проектть рамкаса работатне кармайхть мольфтевома эряма васттнень маласта участкатнень эса. Тяса ляй трватне кассть касыксса, 2024 кизоть самс синь арьсекшневи аруяфтомс.

 

Башка мяль—калгода коммунальнай ляткснень тевс нолямаснонды 2024 кизоть самс тяфтама кархчнень 60 процентсна кармай нолявома переработкас, сембе населеннай пункттнень эса ладявихть кархчень кочкама бакт. Тяниень пингть ичкоздень велетнень эса, коса аш ацаф кит, бакт аш.

 

Лама ули тиф сянкса, штоба обеспечендамс ломаттнень цебярь качествань симома ведьса. Тянкса тевс нолдавихть специальнай технологиятне. Тядде нацпроектть рамкаса Чамзинка поселкаса ушедови 2№ водозаборть строямац. МР-нь  Роспотребнадзорть даннаензон коряс, Саранскяйса водопроводнай ведсь отвечай санитарнай вешфксненди. Вятеви работа ведть эса фторть кирьфтаманц коряс.

 

Перьфпяльть аруяфтомаса ламось ащи синцень ломаттнень эзда. Вдь аф стака, мярьктяма, ердамс кархчнень тянкса ладяф васту? Но тяфта, ужяль, тиендихть аф сембе. Ваймосемань васттнень эса аф шуроста васьфтят ёряф сюлекат, стакатт, цигарка пет, хуш маласа улихть кархчень урнат. Стане жа аф стака ладямс кудса кархченди кафта кядьгот: фкяти кочксемс ярхцамбялень ляткснень, омбоцети—калгода  коммунальнай кархчнень, конат меле прважавихть переработкас и эздост тиеви лама эрявикс парши.

 

О.ЕВДОКИМОВА.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022