Поиск по сайту: 
 

Архив
 октябрь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Национальная тематика

«КЕЛУСЬ» МОРАЙ—СЕДИ ТОКАЙ

 «Келуть» концертонза—тя афкуксонь праздник сембонди. 1979 кизоста сявомок 1995 кизоти молемс кеняртьфнезень ваныхнень Мордовиянь Заслуженнай артисткась Нина Спиркинась. Тячемс коллективсот республикань Заслуженнай артисткатне Галина Макшевась и Анна Атласовась. Ансамбльть репертуароц козя и аф фкя лацонне. Сонь эсонза лама кунардонь мокшэрзянь морода, кштимада, обрядовай сценада. Синь ётксост аф кржа морода, конатненди макссь од эряф мокшень композиторсь Г.И.Сураев-Королев. Тянь васендакиге ули кода азомс «Келу», «Вирь чиресэ», «Сур велесь», «Пичень кудня», «Иванонь Филюсь» моротнень колга.

 

Исполнительхнень маштомошисна, сидестонь гастрольхне тиезь ансамбльть лац содавикс и кельговикс аф аньцек Мордовияса, но и ичкозе сонь эздонза. «Келуть» гастроленза сатфксонь сатнезь ётнесть Нижегородскяй, Пензенскяй, Ульяновскяй, Самарскяй, Оренбургскяй, Ярославскяй, Рязанскяй областтнень и лия региоттнень эзга. Ансамбльть лямбоста васьфнезь Венгрияса, Финляндияса, Германияса, Швейцарияса, Польшаса.

 

«Келу» фольклорнай ансамбльсь примсесь участия Москуса од ломанень и студентонь Всемирнай фестивальса (1985 к.), Хельсинкиса финно-угорскяй нароттнень фестивальса (1989 к.), Польшань Гданьск ошса Северонь нароттнень XXI Международнай фестивальса (1997 к.) и стак тов. «Россиянь нароттнень моросна» конкурсса казьф золотань медальса. «Келусь»—«Россиянь вайгяльхть» Всероссийскяй конкурсонь лауреат.

 

Снимкаса: «Келу»

 

профессиональнай фольклорнай ансамбльть

 

васенце составоц.

 

Васенце рядса (кержи ширде): Н.Вдовина, А.Гришаткина, Г.И.Сураев-Королев (художественнай руководительсь), О.Пьянзина, Л.Сайгушкина.
Омбоце рядса: 

 

 

В.Егоркина, А.Мартышкина, А.Атласова, Л.Родькина, Е.Прыньзина,Н.Пескова.

 

Колмоце рядса: Н.Спиркина, Н.Чинаева, Г.Макшева, Е.Лукьянова, Л.Барашкина, Н.Вишнякова. (1979 к.).

 


03.10.2019 №39
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин