Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Национальная тематика

Съездсь АРАСЬ АФ ЮКСТАВИ ВАСЕДЕМАКС

Пингсь содай ётаманц. Тейне, кода Мокшэрзянь народть I съездонц организаторонзон и пуроптыензон эзда фкяти, ламос мяляфтови мокшетнень и эрзятнень тя оцю пуромкссна, кона ульсь Саранскяйса 1992 кизоня. Съездта меле тейне удалась ётафтомс аф кржа пара тев Россиянь ламоц региоттнень эса и омба масторса.
Оцю спасиба мялезе азомс Мордовскяй (мокшень и эрзянь) народть Межрегиональнай общественнай организациянц руководителензонды. Съездонь делегаттне и инжихне  тертьфтолеме 23-25 октябрьста мокшетнень и эрзятнень VII пуромксозост. Тя шиня ламоль ломаньда Саранскяйса Культурань республиканскяй Дворецса. Аф кржа делегат сашендсь Россиянь региоттнень эзда.
Съездть васенце шиц ётась торжественнайста. Сембода пяк мяляфтовсь Мордовия Республикань Оцюнять В.Д.Волковонь корхтамац.
—Работасонк сатфксне ащихть сянь эзда, мезе тиенди кажнайсь эздонк эсь народонц эряфонц цебярьгофтоманц инкса,—мярьгсь Владимир Дмитриевич.
Пуромфне оцю мяльса кулхцондозь Мордовскяй (мокшень и эрзянь) народть Межрегиональнай общественнай организациянц председателенц Ю.А.Мишанинонь, Россиянь Финно-угорскяй нароттнень Ассоциацияснон председателенц П.Н.Тултаевонь, лиятнень выступленияснон.
Лац ётась съездть и омбоце шиц. Минь, I съездонь делегаттне, азонттама оцю спасиба, што тейнек ульсь кода пачфтемс мокшэрзятнень васенце тяфтама пуромксснон ётафтомаснон коряс пуроптф опытоньконь колга.
Мзяра эсон ульсь таколдомада и кенярдемада, мзярда максфоль вал тейне.
Кядень цяпазь съездонь делегаттне васьфтезь поздравляндамань валнень. Сяда тов морафтыне «Я—Мордвин», «Баллада о солдате» и лия патриотическяй стихонень.
Конашкава кенярдень, мзярда каземазь «За межнациональное  согласие» медальса. А.С.Пушкинонь лемса библиотекать Актовай залсонза делегаттне корхнесть каземазень колга. Васенцекс поздравляндамань генералсь-лейтенантсь Н.М.Чечеватов. Люпштамок кядезень, мярьгсь: «Баллада об огне» стихце—минь, ракетчикнень колга. Стихце лятфтась ломаттненди, што кельгома и ванфтома планетаньке».
Сяльде полафтоме фкя-фкянь мархта визиткаса. Казине теенза «Негасимая звезда» книгазень. Н.М.Чечеватов мярьгсь тейне: «Кенярдезь карман лятфнемост съездонь ня шитнень и земляконень мархта васедематнень».
Шумордазе работанц VII съездсь, кона сядовок маласькофтозень Россиянь ламоц региоттнень эса эряй мокшетнень и эрзятнень.
Владимир КОРЧЕГАНОВ,
СССР-нь Писателень союзонь член, МР-нь Заслуженнай поэт, Мордовиянь ПС-ть ветеранскяй организациянц председателец.

07.11.2019 №44
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин