Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Обо всем понемногу

Тяфтавок уленди

Ашезь сата коньяксь
Россиянинць, кона лийсь бизнес-класса Москуста Дубайи, отмечазе шачема шинц и заказась коньяк. Симомок васенце рюмкать, сон содазе стюардессать эзда, што симомбяльсь аделавсь и дивандась тянди. Пассажирсь макссь судс авиакомпаниять лангс и вешсь 30 тежянь цалковай компенсация. Истецть мяленц коряс, колафтольхть сонь, кода услугатнень тевс ноляйснон, праванза. Ответчиксь азозе, што авиакомпанияти ули кода эсь мяленц коряс латцемс симомбялень макссемань норматнень нльне бизнес-класса.
 
Копорьсонза пеель
Зеленодольск ошень (Татарстан) фкя больницяв пачфтьфоль 34 кизоса аф кятав аля, конань копорьс озафтфоль пеель. Приемнай покойса медикне ашезь тарга сонь и тердсть хирург. Фкя пингть алясь стясь кушеткать лангста и тусь лисема вастть ширес копорьсонза пеельть мархта. Мярьгсь, што мялец таргамс. Сонь, кода маштсть, мрдафтозь отделенияв. Эряфонцты мезевок аф гразяй.
Кода стерилизовандамс банкатнень
Способта лама: чайникть вельде, духовкаса, микроволновкаса… Эрь кудазоравась тиендьсы тянь эсь лацонза. Мон тиендян тяфта. Шташендсайне банкатнень симомань сода мархта ведьса. Кайсян фкя банкати 50-100 миллилитра водка (спирт), лацкас пякснеса таватксса и лац-ряц блдорфнеса спиртть или водкать 20-шка секунда. Сяльде водкать (спиртть) кайсеса лия банкас. И снярс, мзярс сембонди аф тиян дезинфекция. Кодамот цебярь ширенза тя методть? Спиртонь шиньфть действияц мольфтеви нльне эста, мзярда пяярдесть сонь лия банкас. Процессь мольфтеви снярс, мзярс аф маравихть перень серотне банкати. Спиртса стерилизовандамась сяви кржа пингта. Мзярс перень серотне аноклавихть, банкатне дезинфицировандавихть. Лакай ведьса валомста, клянцексь аф лопии, сяс мес спиртсь сявсы эстеенза псить.
Т.Лукьянова.
 
Сявость мяльс алонь пидемста
Тя сявома мяльс, кда мяленте пидемс удалаф глазунья. Коламок алть пачкалгти, краенц эзга каямс столовай куцю ведь и кемоста тавадомс вельхксса. Ведсь арай шиньфокс, кона курокста пидесы алть вярьгак, кадомок алтюжять ведюста. Ламоц кудазораватне тяряфнихть тиемс ал пашот, но синь аш специальнай приспособлениясна—пашотницасна. Сонь вастозонза ули кода нолдамс тевс аф оцю полиэтиленовай кяскавнять. Шовамс сонь потмаширде скалвайса и коламс потмозонза фкя ал, меле кяскавнять краенза кемокстамат резинкаса кода можна сяда маласта алти (тяфта сон сяда лац ванфтсы форманц). Путомс кяскавнять лакай ведь мархта кастрюляс и пидемс колмошка минута.

07.11.2019 №44
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин