Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

В Правительстве РМ

Ванфтольхть аграрийхнень тячиень тевсна и сяда товолдонь задачасна

Мордовиянь Оцюнясь Владимир Волков 7 ноябрьста ётафтсь республикать
агропромышленнай комплексонц виияфтоманц коряс рабочай совещания. Ванондовсть
аграрийхнень работань тяддень итогсна и 2020 кизонди платтне. Тяконь лувксса
корхтамась мольфтевсь велень хозяйствань производительхненди субсидиянь
максомань од правилатнень колга. Сай кизоста сявомок единай субсидиясь, кона
макссеви аграрийхненди государствать ширде ширень кирдеманкса, кармай явф
кафтува—компенсировандаф и стимулировандаф, мезсь мярьгонди региоттнень
приоритетнай направленияснон коряс касфтомс велень хозяйствань продукциянь
нолямань объемтнень.
Мордовиянь Оцюнясь китькстазе: республикань Велень хозяйствань министерствати
эряви сяда курокста сувафтомс од правилатнень региононь велень хозяйствань
производительхненди.
Нинге фкя важнай темась—2020-2025 кизотненди «Комплексное развитие сельских
территорий» госпрограммать эряфс ётафтомаса республикать анокламанцты.
Лятфтасаськ, странань Президентть Владимир Путинонь мярьгоманц коряс Россиянь
Велень хозяйствань министерствась сувафни тя программати од направления—велень
льготнай ипотека. Сай кизоста ни республикань эряйхненди ули кода сявомс эряма
вастонь строяманди пяк выгоднай условияса эсь лацонь кредит. Велень ипотекать
коряс инь оцю ставкась кармай 3 процентт. Тяконь мархта Мордовиясь арась лама
региоттнень эзда фкясь, кона анок тиемс ставкать сяда емлакс—велень эряйхнень
кой-кона категорияснонды сон кармай 0,1 процент.
Мордовиянь Оцюнясь Владимир Волков путсь задача сяда курокста анокламс
заявканди документациять од программаса участиянь примаманкса.

14.11.2019 №45
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин