Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

САРАСНЕВОК РАХАТЯДЯЗЬ…

Мирттне-рьвятне Чуфарофне кудса кафонестольхть. Стирьсна (рьвясь азозе мирденцты) институтонь подготовительнай группав занятияс тусь. Синь корхнесть-калякондакшнесть тяниень эряфть-ащефть колга. Мирдть—Серафим Григорьевичень—кядьсоль газета.
—Кулхцонтта, Груня,—газетати варжакстозь пшкядсь сон,—питнетнень тага касфтозь.
—Минь, што ли, трямадонк пяк лама,—яфодезе кяденц Анна Назаровна,—фкя-тяка стиреньке. Сявок щаф-каряф ломаньда аф кальдявста. Вага аньцек подготовительнайса тонафнеманкса сави пандомс. А мзярда поступай институтозонза, сонць стипендия кармай ваткама.
Мирттнень-рьвятнень корхнемасна сязевсь: куду сувась стирьсна. Сон пшкядсь весяласта:
—Аноклада свадьбас, рьвакс туян.
—Вай, стирькай! Кургстот—да Шкайть пилес!—кенярдезь мярьгсь тядясь.—Аньцек ожу, тят эряскода. Тя аф шуткань тев. Эряскодат—сараснень пеетьфтят. Васенда лацкас ванода фкя-фкянь, содасть характеронтень, обуцянтень-промозонтень…
—Минь кунара ни фкя-фкянь содатама, сяда пяк аш кода ни содамска,—стаки мзолкшнесь-пеетькшнесь тядянь фкя-тяка стирнясь-якстернясь—Луизанясь.
—А курендакшни? Копоряй? Равжа, кургс аф пчкяй путома валса аф сюцекшни?
—Кда афоль куренда да афоль копорда, да кажнай туткотксонди ответ афоль максов—мон стама отсталайть маласка афолень шашта, аф, шта, нинге ялгакс тиемс.
Тядятнень-алятнень келемсть сельмосна.
—А тонафни, али работай,—тядяти, няк, сембось содама.
Луиза куфкстсь:
—Примафнезе тядяц институту. Сонь тядяц, тядяй, аф тонь лацот, хуш коса сафтсы, сембе кинятнень-яннятнень содасыне… Кие эряви—кячкаскя вельдевок ялганди усксы.
—Ну ся пяк пара, мес женихцень тядянцты Шкайсь «сембе вастса сафтомань» усолонь явондомста стама усолда каясь пяшксе карьхкя, а монь, няк, ётамань вакска. Мезе, мле, мон тяни тиян? Вдь Шкайть лангс аш кинди пеняцямс: сондедонза оцю кивок аш… Ну, пара, эрь ина азонтк, мезе ёрать азомс. Мярьготь «тядяц примафнезе», а тяни, улема, аф институтса?
Луизань трванзон эзда пе-едемась нардазь-нардавсь:
—Тяни, няк… кати-мезень юмаф-араф порядкат институтса ладясть. Аньцек фкя «кафтонянкса» Францонь панезь…
—Ожука, ожука, стирькай, да кали женихце иностранец калмоча?
—Мес иностранец? Мокша.
—А мес ина лемоц…
—Фрон сонь лемоц… Да кие тяни тяфтама лемса корхни? Фрол али нинге Крол. Да тяфта мярьгондярят пара ломанень ингольде—кода тонць азыть—сарасневок пееттядязь…
—Ну пара, лемсь тя лем. Тевсь аф лемса, а ломаньца… Сяда пара улель, стирькай, кда хуш весть сувафтолить пялонк. Ванолеськ аляцень мархта. Корхталеме мархтонза. Минь вдь эряф эряме, сяда лац шарьхкоттяма ломаттнень эса.
—А коса ина ётафнесасть пингть?
—Х-е, коса! Шять, кафе да ресторан тянкса ули. Тоса и музыка, и пробкатневок мянь поталаку ляцихть?
Серафим Григорьевич пилензон стяфтозень, варжакстсь рьванц лангс, шукадезе прянц, ёрась мезе-бди азомс, но сонь инголдазе рьвац:
—И заявлениявок ни ЗАГС-у максоде?
—ЗАГС-у кода тяк ладя—молема. Хуш тяни—рьвяяма пингть, хуш сяльде—шабать сёрматфтома,—и сон мяштенц алу ляпоняста путозе кяденц.
Тядятне-алятне таяскодсть, кирендезь лафтуснон, тетькозь фкя-фкянь лангс сельмоснон.
Аф ламос ашель кашт молема. Сяльде тага сетьмоть колазе тядясь:
—И тонга, мирдцень лаца, аф кармат покодема?
—Аноконди содаф, деряй стама козясь кармай милайнянц покотьфтема!
—Да-а,—таргазе кувакаста ваймонц тядясь.—А кда Франтце каттанза? Мялец эздот моли, сядонга милайня муй?
—Аф Франт, а Франц,—трвань пувордазь полаксазе тядянц.
—Ся тейть Франц, а тейне Франт. Да нинге куштаф франт!
Серафим Григорьевич кулхцондсь тядятнень-стирьхнень корхнемаснон, ашезь кирде, сязезе синь басняснон, пшкядсь стиренцты:
—А тон нинге ашеть отвеча тядяцень кизефнеманцты: «А кда стама франтце каттанза?»
—Да, да?—лятфтазе тядясь эсь кизефксонц.
—Ну и мезе, кда кадсамань! Лия муян!
—Шаба мархта?
—Мес шаба мархта? Или аш кинди шабась кадомс? Или аш сонь щятянза-щаванза?
Мирттне-рьвятне тага варжакстсть фкя-фкянь лангс, сяльде—стирьснон лангс.
Серафим Григорьевич ноцкофтсь папироса, нолдась туста качам и куфкстозь шарфтсь рьванц шири!
—Х-е, нинге ся ашезь сатне—работамс стама тядятнень-алятнень ваксса. Катось нинге ёнензон ашезень сиве.
—А кит, шта, стама козятне—родителенза? Коса покодихть?
—Х-е, коса покодихть? Коса покодихть, тоса топодихть. Мярьгондихть, аш стама мельник, кона афоль вадендев почфса, и аш стама нешконь кирди, штоба медю суронзон афоль нолсе. Аляц базаса оцюня, а тядяц—ся базань складса.
—Шарьхкодьса,—пеедезевсь аляц.—А кулендить, стирькай, што мешне, кда азорснон кяденза рдазуфт, пяк маряйста пупсесазь. И нинге: мзярс сяканяса эшити веденкса тят яка, сон колави. А кда атявоснень-авоснень сяканясна колави—шабацень ваннема атянь куду сама эстейть.
Луиза комафтозе прянц.
П.ТОРОПКИН.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022