Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

Мордовиянь Оцюнясь примазень ломаттнень Президентть региональнай приёмнайсонза

Большеберезниковскяй райононь эряйсь Наталья Арискина сась приёмс Тазино велень эряйхнень эняльдемаснон мархта автомобильнай кить, кона сотнесыне Шугурово и Тазино велетнень, капитальнайста петеманц коряс. Ня велетнень эса эряй 870 ломань, но главнайсь—тяса ётай школьнай автобусонь маршрутсь, конань эзга эрь шиня пачфневихть иттне школав. Владимир Волков мярьгсь Правительствань Председательть заместителенцты Виктор Цыгановонди, кона отвечай строительствань сферать инкса, тиемс ремонт кити сай кизоня. Объектсь сувафтови  «Безопасные и качественные автомобильные дороги» национальнай проектть эряфс ётафтомань рамкаса автомобильнай китнень нормас ладямаснон коряс вете кизонь Программати. Республикань Оцюнясь лятфтазе, штоба ремонтировандаф кить качествац и характеристикац отвечальхть вешфксненди, конат путневихть школьнай маршруттнень инголе. Тяда башка, Владимир Волков китькстазе, што тя кинь участкать ремонтонц коряс кизефкссь кепсевсь избирательхнень наказса, сяс ломаттнень эняльдемасна эряви пяшкодемс.

 

Рузаевкаса аварийнай кудонь эряйхне эняльдсть лездомс сяда курокста ётафтомс синь од эряма вастс. Владимир Волков кошардсь аварийнай кудть сувафтомс ся куттнень адресснон ёткс, конатнень эзда эряви ётафтомс ломаттнень 2021 кизоста сявомок 2024 кизоти молемс.

 

«Эряви максомс ломаттненди эряма од вастт!»—мярьгсь Мордовиянь Оцюнясь.

 

Лия эняльдематне токсезь социальнай пандоматнень эряма вастонь рамаманкса и материальнай лезксонь максомать семьятненди, коса воспитандавихть итть-инвалитт.

 

Республикань Оцюнять мярьгоманц коряс, сембе эняльдематне, конат ванфт личнай приёмть пингста, сявовихть башка контроль алу.

 


06.12.2019 №
 
 
 

 
НОВОСТИ
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин