Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Культура

Т.Ломакина: «Народнай морось аруяфтсы и эждьсы ваймоть»

11 декабрьста Саранскяень Культурань Дворецса ётай Татьяна Ломакинать васенце сольнай концертоц. Пингстонза певицась морасыне советскяй и мокшэрзянь композиторхнень инь содаф произведенияснон, няфтьсы народнай мороть сембе мазышинц, крхка смузенц.

 

Ня шитнень удалась корхнемс артисткать мархта. Татьяна пара мяльса азондсь эсь колганза, кода ушеткшнесь творческяй киц и кодамот мяленза-арьсеманза сяда товолонди.

 

—Татьяна, пара улель, кда азондолеть лувиеньконди коса шачеть-касоть, кодама семьяса?

 

—Шачень мон Саранскяйса, педагогонь семьяса. Родсонк-плямасонк педагогонь колма поколеният. Щавазень мархта щятязе—Мордовия Республикань Заслуженнай учительхть. Синь кигаст тусть колмоцьке шабасна. Тядязе стане жа Мордовиянь Заслуженнай учитель. Аказе, тядязень сазороц,     тонафтсыне       студенттнень М.Е.Евсевьевонь лемса  МГПИ-са. Щятязень-щавазень сембе уноксновок получасть педагогическяй образования.

 

Алязе педагогикать мархта кодавок аф сотнеф, сонь рабочай профессияц, но семьясонза стане жа улихть ломатть, конат лемдезь эряфснон тонафтыень тевти.

 

—А морай ломатть аш раднятнень ёткса? Кинь лаца туть тяфтама вайгялюкс?

 

—Арьсян, тя ётась тейне щятязень эзда. Школаса сон вятсь музыкань урокт, пяк кайгиель вайгялец, лангс ванозьге шарфтсь артист лангс. Щятязе примсесь участия самодеятельностьса, а мон пара мяльса ванондолине фотографиянзон, коса сон ащи сцена лангса. Мзярда улендень велеса, морсекшнеме мархтонза марса. Сон содась лама мора и сиде мороня. Тядязе и алязе стане жа моронь кельги ломатть, илатнень пингста шра ваксса моратама сембе. Но профессиональнай артистт семьясонк ашельхть.

 

—Сцена лангс васенце лисемацень мяляфтсак?

 

—Тя ульсь нинге идень саду якамстон. Тячемс лац мяляфтса, кода морайне  «Пошла млада за водой» мороть, а меле—омбоцеда, колмоцеда… Но артисткакс прязень маряйне школаса, мзярда ётань нилеце классу. Эста кармань морсема школьнай илатнень пингста, няфнине прязень аф фкя лацонь конкурснень и фестивальхнень эса. Тяка пингть морсень Эстетическяй воспитаниянь центрать видеса «Валдоня» идень ансамбльса. Ёт эста пяк кельгине сценать и арьсекшнень арамс содаф певицакс.

 

—Мес, ина, школада меле тонафнема вастонди кочкайть, мярьктяма, аф музыкальнай училищать или Национальнай культурань институтть, а педагогическяй вузть? Тоса вдь аноклайхть аф артистт, а учительхть.

 

—Аф аньцек. Мон тонафнень педагогическяй факультетса, конань видеса ульсь кода получамс и музыкальнай образования. Тонафнемань кизотнень примсень участия «Шумбрат, Мордовия!» народнай творчествань фестивальса, «Студенческяй тунда» пялькстомаса. Омбоце курсса лисень сяськикс «Салют Победы» Всероссийскяй фестивальса, сявине Гран-прить М.Антоновати лемтьф фестивальса.

 

—Нинге студентокс улемстот ушедоть морсема «Разгуляй» ансамбльса. Азонтк, кода повоть тя коллективу?

 

—Колмоце курста меле арань ансамблень солисткакс. Весть «Студенческяй тунда» пялькстомать пингста морамазень марязе Мордовскяй филармониять эстонь директороц Н.В.Серкин. Сон и азондсь тейне «Разгуляй» ансамбльть колга, кона эста аньцек пуроптфоль. Тердемазь ширезост. Коллективти вятикс ульсь эсь тевонь лац содай ломанць С.В.Балабан. Ансамбльса  морсень кемголмувода лама киза. Тя пингста удалась ламода виияфтомс морамань асувозень, ламоти тонадонь. И тянкса спасибан кода коллективть вятиенцты, стане и эсонза сембе морсихненди.

 

—Тейть удалась касфнемс содамошитнень Гнеситтнень лемса музыкань российскяй академияса. Азонтт тянь колга.

 

—«Гнесинкаса» тонафнень Россиянь Народнай артисткать А.П.Литвиненкоть видеса, конань лувондса эсь творческяй кисон фкя инь васенце тонафтыкс. Студент ялгакс тейне ульсть тяни сембонди   лац содаф     артисттне, тяфтамотне, кода Марина Девятова, Прохор Шаляпин и лиятне.

 

—Репертуарсот улихть рузонь, мокшень и эрзянь морот. Лисенди, колма кяльхть содат?

 

—Виде. Алязе—мокшаля, шачемас-касомас коре Инсарскяй райононь Исавелеста, тядязе—Кочкуровскяй райононь Пакся  Тавла велень эрзява. Ёмласта сидеста улендень шачфтынень-тряйнень ёмла родинасост, а сяс мокшень и эрзянь кяльхне содафт и кельговихть тейне ёт шабакс.

 

—Татьяна, кодамот мяльхне-арьсематне сяда товолдонди?

 

—Тяни сембе вийне водендафт сольнай концертозенди  анокламанкса. Мялезе няфтемс ваныхненди народнай мороть сембе мазышинц, крхка смузенц. Улихть корхнемат, бта народнай морось тячи «аф моднай». Тя аф виде. Сон ульсь и лядонды ваймонь аруяфтыкс, эждикс, ламонь колга арьсефтикс, сядонга пяк, кда морави живой вайгяльса, фонограммафтома. Концертть пингста сценать лангс мархтон лиси Саранск ошень округонь Народнай инструментонь оркестрась.

 

—Сюкпря, Татьяна. Творческяй сатфкст тейть!

 

О.Евдокимова.

 

Фотось Н.Гагаринонь.

 


05.12.2019 №48
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин