Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Национальная тематика

Московскяй областень Воскресенск ошса ётась мокшэрзянь оцю ила

Илась пуропнезень кяльс коре раднятнень Н.И.Докторовонь лемса «Химик» Культурань дворецса. Праздниксь ётафтовсь «Моску алдонь национальнай культуратнень шисна» проектть рамкаса Воскресенск ошень поселениянь администрациять ширень кирдеманц вельде.

 

Мокшэрзянь культурань шис сашендсь 800-ть малава ломань. Тя аф аньцек Воскресенкяй райононь эряйхть, но и Коломенскяй, Раменскяй райононь, Бронницань мокшэрзят.

 

Культурань дворецть фойеса пуроптфоль декоративно-прикладной творчествань выставка-ярмарка, коса няфтьфоль национальнай литературась, мокшень и эрзянь щапне, кунардонь пингонь кудъётконь паршихть. Тяса ульсь кода варжамс национальнай ярхцамбяльхнень, примамс участия мастер-класснень эса. Кепотьксонди, «Умарина» ансамблень главнай балетмейстерсь В.В.Баранов и коллективонь артисттне макссть  мокшэрзянь национальнай кштимать коряс урок.

 

Мокшень, эрзянь мороса, сиде мороняса илас сайхнень васьфтезень Коломенскяень «Моро» мокшэрзянь вокальнай ансамбльсь. Артисткатне весяласта кштисть гармониять коряс, тернезь шоворемс ёткозост ваныхненьге. Ламонцне, эряви азомс, тяфта и тисть. Мокшэрзянь содаф моротне стане жа морафтольхть марса.

 

Фкя ваймоса ванфоль-кулхцонтфоль «Умарина» ансамбльть выступленияц. Концертсь пяк удалась! Эрь номерда меле пяшксе залсь сязендевсь кядень цяпамаса, ломаттне юватькшнесть    артисттненди «Браво!», тернезь лисемс сценать лангс тага и тага весть.

 

Пуромфнень инголе тя шиня стане жа выступандась «Ансамбль народного танца «Сувенир» Воскресенск ошень Народнай коллективсь. Эряви азомс, коллективть репертуарсонза улихть и мокшэрзянь кштимат. Синь васьфтьфтольхть сядонга лямбоста.

 

Торжественнай пяльксть пингста залу пуромфнень, Мордовиянь инжихнень приветствовандазь Воскресенскяй муниципальнай райононь Культурань управлениять начальникоц В.В.Копченов и «Химик» ДК-ть директороц А.Г.Орлова. Синь спасибасть артисттненди мялень салай концертонкса, казсть теест казнет.

 

Илась тусь сембонь мяльс, ломаттне тушендсть кудга кепотьф мяльса.

 

Московскяй областень Воскресенскяй районца эряйхть сядот мокшэрзя. Кепотьксонди, «Химик» ДК-ть директороц, Алла Георгиевна Орлова, шачсь и кассь Саранскяйса, мзярошка пинге эрясь Зубово-Полянскяй районца, а ведьгемонь кизода инголе эряфонь китне-яттне пачфтезь Воскресенскяи. Лама тяса ломаньда, конат састь Мордовиянь Атюрьевскяй районцта. Тяфта, кеветие кизода инголе тя аймаку эряма ётась Кяшалста Кузьмиттнень семьясна. Мирттне-рьвятне Николай Николаевич и  Людмила Васильевна, синь шабасна Мария и Кирилл, эряйхть Федина велеса. Аф лама пингонь ётазь Фединав сась Людмила Васильевнань сазороц, Елена Васильевна мирденц Вячеслав Кузьмичень и цёраснон Василиень мархта. Колма кизода инголе шачсь нинге фкя шабасна—Марк. Воскресенск ошса стане жа эряйхть Кяшалста Надежкиттне, Атяскиттне, Пичепулоня велеста Затеефне, Каменкаста Надиттне и лиятне. Кеняртьфти, мес ня ломаттне аф юкснесазь эсь шачема вастснон, сидеста сашендыхть вели, коса синь фалу учендсазь тядясна-алясна, радня и мала ломаньцна.

 

О.Евдокимова.

 

Фотось Н.Кузьминонь.

 


05.12.2019 №48
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин