Поиск по сайту: 
 

Архив
 апрель 
 2020 
пн вт ср чт пт сб вс
  12345
6789101112
13141516171819
20212223242526
27282930   

 
 

 

Тема дня

ТЕМНИКОВ ОШСА ПАНЧФ ПАМЯТНИК АДМИРАЛТИ, СВЯТОЙ ПРАВЕДНАЙ ВОИНТИ ФЁДОР УШАКОВОНДИ

Монументсь, кона ванфтсы мялямть великай флотоводецть колга, стяфтф Темникавть центральнай площадьсонза. Мордовиять менелень ванфтыенцты памятникть святиндазе Саранскяй и Мордовскяй митрополитсь Зиновий.

 

Республикань Оцюнясь Владимир Волков, поздравляндамок республикань эряйхнень памятникть панжеманц мархта, отмечазе, што сонь стяфтоманц колга мяльсь эвондась колма кизода инголе, флотоводецти 200 кизонь топодемда инголе. Российскяй военно-историческяй обществать региональнай отделенияц пшкядсь лезксонкса сонь председателенцты, Россиянь культурань министрти Владимир Мединскяенди, и ответсь ашезь сав ламос учсемс. Мордовиянь Оцюнясь азсь благодарностень валхт военно-историческяй обществать лемс и лична Владимир  Ростиславович Мединскяенди республикать инициативанц ширенц кирдеманкса и афкуксонь лезксонкса проектть эряфс ётафтоманкса. Российскяй военно-историческяй обществась аноклазе памятникть эсь средстванзон лангс, а республикась, эсь ширденза, лездсь благоустройствань ширде Темникавть центральнай площадезонза путомста. Ня цельхненди стане жа максфтольхть федеральнай грантонь средстват, конатнень сатозень Темниковскяй райононь администрациясь.

 

«Федор Ушаков лувондови аф пелемань и кемешинь, Российскяй флотонь аф сяськови символкс, праведностень кепотьксокс. Сон—афкуксонь герой. И самай тяфтама примерхнень мархта эряви воспитандамс минь касы поколенияньке,—мярьгсь Владимир Волков.—Мордовиянь эряйхненди Фёдор Фёдорович пяк мала. Вдь мокшэрзянь модать сон кочказе эряфонь мекольдень кизонзон ётафтоманкса. Эсь средстванзон лангс сон панчсь Темниковса госпиталь, тиендсь лама пожертвования 1812 кизонь Отечественнай войнать пингста. Калмафтомс прянц куломда меле Ушаков мярьгсь Санаксарса, мокшэрзянь масторса. Сяс минь гордостень марязь лемнесаськ легендарнай адмиралть землякокс».

 

Сембе пингс Мордовиянь эряйхнень мялямс лядыхть торжестватне, конат сотфт адмиралть Ушаковонь канонизациянц мархта. 2001 кизонь августста Темникавсь арась православнай миронь духовнай центракс, торжестватнень эса эста примась участия 7 тёжяньда лама ломань, церемониять вятезе Московскяй и сембе Русень тяниень Патриархсь Кирилл.

 


12.12.2019 №49
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин