Поиск по сайту: 
 

Архив
 апрель 
 2020 
пн вт ср чт пт сб вс
  12345
6789101112
13141516171819
20212223242526
27282930   

 
 

 

Тема дня

ОЦЮ БЕРЕЗНИКИСА «КУЛЬТУРА» НАЦПРОЕКТТЬ РАМКАСА РЕКОНСТРУКЦИЯДА МЕЛЕ ПАНЖЕВСЬ КУЛЬТУРНО-ДОСУГОВАЙ ЦЕНТРАСЬ

Республикань Оцюнясь мярьгсь, што районнай        ДК-ть реконструкцияц арась возможнайкс «Культура» национальнай проектть вельде. Объектть коряс финансированиянь марстонь объёмсь марнек 105 миллион цалковай. Оцю Березникинь эряйхне получасть тяниень пингонь и лама функцияса Культурань центра, конань эса улихть сембе возможносттне велеряйхнень творческяй потенциалснон виияфтоманкса. 280 вастонди зрительнай залсь, хореографиянь залсь, творческяй студиятне и ремесленнай мастерскойхне, спортивнай залсь, идень налхксемань комнатась, модельнай библиотекась, сувафнемок тяза читальнай залть, а стане жа видео- и аудиопрограммань материалхнень мархта, медиа-контентонь мархта работаманди пространствась—и тя аф марнек азф функционалсь, кона ули Культурно-досуговай центраса. «Мон надиян, што тя зданиясь вестевок аф кармай улема шава,—мярьгсь Мордовиянь Оцюнясь.—Большеберезниковскяй районца лама асу творческяй коллективда, народнай промыслань и ремеслань мастерда. Минь республиканьконди культурнай традициятнень лама ширесна—аф аньцек питнидонга питни наследия, тя минь оцю козяшиньке и сатфксоньке. Россиянь Президентсь В.В.Путин аф весть мярьгондсь, што нароттнень культурасна занци обществаса пуропты роль, лезды ломаттненди арамс сяда малакс и сяда лац шарьхкодемс фкя-фкянь. Надиян, што культурно-досуговай од центрась арай афкуксонь эряфонь центракс Большеберезниковскяй районти». Владимир Волков азозе, што строительствать пингста сявондевсть мяльс ломаттнень эняльдемасна, предложениясна. «Минь старандаме тиемс тяфта, штоба тя зданиять сембе площаденза улельхть заняфт эрявикс мастерскойса, кружокса, конат туфт мяльс иттненди. Тя ульсь главнай задачась—пуроптомс марс творчествать вельде оцюфнень и ёмлатнень. Тяза пяк интересна сашендомс марнек семьянек, эрти ули кода мумс тев мяльс коре»,—мярьгсь региононь руководительсь. «Сянь, мезе мон няян тячи Мордовияса, тя афкуксонь эсь лацонь случай,—мярьгсь центрать панжемста Ольга Ярилова.—Кда ба сембе региоттнень эса улель тяфта, эста улель кода азомс, што тейнек сембе удалась тиемс. Минь ни корхтаме, што ванцаськ-тонафнесаськ тя опытть и кучсаськ, кода цебярь примеронь, сембе субъекттненди».    

12.12.2019 №49
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин