Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СЯДА ТОВ КАЙГОЗА ЛЕМЦЕ, ВАЛЕНТИНА ПЕТРОВНА!

Валентина Петровнань лемоц лац содаф Мордовияса. Тя мокшавась—республиканьконь хоровой инь сире коллектифнень эзда фкять руководителец. Сире Теризморга велень народнай хорсь пуроптфоль 1957 кизоня. Вов ни пцтай колмогемонь киза сонь вятьсы В.П.Ямашкина. Хорть участниконзонды удалась кочкамс мокшень народнай кунардонь пяк лама мора.

 

И вов аф кунара, 4 декабрьста, Москуса П.И.Чайковскяень лемса Концертнай залса казьфтольхть «Душа России» Премиянь лауреаттне.

 

Кода азозе корреспондентоньконди В.Д.Поленовонь лемса народнай творчествань Государственнай Российскяй кудть информациянь отделонц заведующаец Мария Викторовна Якунькина, тядде Россиянь Правительствать Распоряжениянц коряс «Душа России» премиянь лауреатокс арась 15 ломань—творческяй коллективонь руководительхть, народнай эпосонь исполнительхть и декоративно-прикладной искусствань мастерхт Белгородскяй, Кемеровскяй, Костромской, Нижегородскяй и лия областтнень эзда, Адыгеяста, Бурятияста, Дагестанцта, Комиста, Марий Элста, Мордовияста и Ханты-Мансийскяй автономнай округста.

 

Концертнай залть сценанц лангса 100 тёжянь цалковаень тии премиянди сертификаттнень, мяляфтомань знакнень и лауреатонь статуэткатнень лауреаттненди казезень и синь поздравляндазень Российскяй Федерациянь культурань министрть заместителец Н.П.Овсиенко:

 

—Ащемок кулисатнень   эшксса, сань мяльс, што ваймось вдь келемсь. Содаса, што «Душа России» премиять лемоц пяк виде. Тя сценать лангса тячи ащихть ломатть, конат эсь мархтост и няфнесазь рузонь ваймоть. Кемголмувоцеда казьсаськ Правительствань Премиять народнай творчествать виияфтомаса путксонкса. 2007 кизоста сявомок лауреатокс арась 195 ломань странать ламоц региононзон эзда. Лангсонт кирдихть российскяй культурань койхне. Седи ваксста поздравляндатядязь казнентень мархта,—мярьгсь Николай Павлович.

 

Сценаса, лия лауреаттнень мархта, ащесь и минь землячканьке, мокшавась В.П.Ямашкина. Щафоль-каряфоль мокшень щамса-карямса. Аш мялезе обжамс республикань лия райоттнень эзда мокшаватнень, но Старошайговскяй районца, тяконь лувксса и Сире Теризморга велеса, синь мазыдонга мазыхть, козядонга козят. Сельмоце аф явфтови эздост. П.И.Чайковскяень лемса Концертнай залу пуромфневок няезь тя мазышить.

 

Каземада меле ульсь «Народнай искусствань тяшттне» концерт, конань эса примасть участия народнай пяк содаф коллектифне: М.Я.Пятницкяень лемса Государственнай академическяй рузонь народнай хорсь и Н.С.Надеждинать лемса «Березка» Государственнай академическяй хореографическяй ансамбльсь. Тяда башка, сценати лисендсть Россиянь региоттнень эзда творческяй коллектифне.

 

Народнай койхнень ванфтомасна и вельмольфтемасна, национальнай культуратнень ширеснон кирдемасна фалу занцесть башка васта государственнай культурнай политикаса. «Душа России» премиять вельде сотцевихть сятнень лемсна, кит эряфснон лемдезь народнай художественнай койхнень ванфтомаснонды. Тянь ули кода азомс моронь фольклоронь кочкайть, афкуксонь патриотть Валентина Петровна Ямашкинать колга, кона кочкась и сёрмадсь 150-да  лама мокшень народнай мора. Тевонзонды макссеви оцю питне, тя лац няеви ламоц казнетнень эзда, конатнень ёткса и Российскяй Федерациянь Культурань министерствать Благодарностец.

 

Сяда тов кайгоза лемце, Валентина Петровна!

 

Т.АЛЬШИНА.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022