Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Культура

ОЖНАНЯСТА КОДАФ МАЗЫШИ

Ожнаста эрь-кодама мазоптомбялень кодама Елена Алексеевна ушедсь комозьшка кизода инголе. Няезе фкя журналста кода ушедомс тя тевть, варжазе, тусь мялезонза. Эста мокшавась тонафнесь Саранскяйса педагогическяй институтса. Ожнанятнень рамсекшнезень ошста, мзярда якась вузу экзаменонь максома. Нюрьхкяня пингста кодамань тевть Елена Алексеевна тонадозе пяк лац. Ёмла крганяда башка кядялдонза ушедсть лисендема мазыдонга мазы крганьперьфт. Бисерста несколька рядса кодаф ня мазоптомбяльхнень тиемасна аф тёждя, эрявксты аф фкя и аф кафта шит. Но Е.А.Елисеевати тя сафтови. Крганьперьфне—Зубово-Полянскяй райононь мокшаватнень илань щамснон аф явфтови пяльксоц. Синьфтемост мокшень нарядсост бта мезе-бди аф сатни. Крганьперьфнень мархта стирьхне, аватне няевихть ёфси баяравакс. Кой-коста крганьперьфненди полаткшневихть монетанят, эста мокшавать молемац кулеви-маряви нинге ичкозде.

 

Елена Алексеевна лац афи мяляфтсы, мзяра крганя, крганьперьф кодась-тись тя пингста. Аф кржать казезень мала ломанензонды, ялганзонды. Тядянц, Анастасия Ивановнань, мархта кочкасть пяк мазы мокшень щам. Анастасия Ивановна, аф ваномок эряфкшу кизонзон лангс, стась панар, а Елена Алексеевна кодась коряванза ожнаняста мазоптомбяльхть.

 

Но инь мялень салайхть Е.А.Елисеевать бисерста кодаф Очижинь алнянза. Фотографиять лангста синь лац няевихть. Ёмланят и сяда эзрайхть, фкя тюсоннет и сёрмафт—эрь алнясь шарфты искусствань произведения лангс. Тяфтама мазышинь аноклама Елена Алексеевнань тонафтозе М.К.Вишнякова, конань видеса сон касфнезень содамошинзон пединститутса.

 

Тяни Е.А.Елисеева сонць тонафнесыне оттнень бисерста кодамати. Пуропнесыне стирнятнень эсь ширезонза, няфни мастер-класс велень библиотекаса. Пяк оцю мялец, штоба улельхть тевонь поладыенза и тя мялень салай кядьтевсь афоль ляда ётай пинкненди.

 

О.ЕВДОКИМОВА.

 


12.12.2019 №49
 
 
 

 
НОВОСТИ

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин