Поиск по сайту: 
 

Архив
 январь 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

Российскяй Федерациянь Президентть Распоряженияц Поощрениянь колга

Трудса сатф сатфксонкса и лама киза седикс-ваймокс работаманкса каземс Российскяй Федерациянь Президентть Почётнай грамотаса:
Елена Александровна АБРОСИМОВАТЬ—«Биохимик» акционернай обществань лабораториянь руководительть, Мордовия Республикась
Виктор Степанович БЮРИКОВОНЬ—«Талина» компаниянь группань президентть, «Мясоперерабатывающий комплекс «Атяшевский» ограниченнай ответственность мархта обществань директоронь советонь председательть, Мордовия Республикась
Сергей Сергеевич ЕЛЬКИНОНЬ—«Электровыпрямитель» публичнай акционернай обществань слесарть-инструментальщикть, Мордовия Республикась
Виктор Александрович ПОПЕЛЫШЕВОНЬ—«Строительная фирма «Восточная» ограниченнай ответственность мархта обществань стальной и железобетоннай конструкциятнень монтажснон коряс монтажникть, Мордовия Республикась
Галина Михайловна СОДОВНИКОВАТЬ—«Хлебозавод» акционернай обществань кондитерть, Саранск ошсь, Мордовия Республикась
Массовай информациянь средстватнень  виияфтомаса заслугатнень инкса и лама киза седикс-ваймокс работаманкса азомс Российскяй Федерациянь Президентть благодарностенц
Николай Иванович ИШУТКИНОНДИ—«Редакция журнала «Чилисема» («Восход») Мордовия Республикань государственнай бюджетнай учреждениянь главнай редакторти
Иван Степанович ЛУШКИНОНДИ—«Редакция газеты «Мокшень правда» Мордовия Республикань государственнай бюджетнай учреждениянь главнай редакторти.
Российскяй Федерациянь
Президентсь     В.Путин.
2019 кизонь
16 декабрьста,
428-рп №-сь.

26.12.2019 №51
 
 
 

 
НОВОСТИ
 
 
 
 

Од ломаттненди азонтфоль РФ-нь Конституциять колга

12 декабрьста Мордовия Республикань Государственнай Собранияса ётась пуромкс, кона лемтьфоль Российскяй Федерациянь Конституциять шинцты. Госсобранияв сашендсть Саранск ошень 23№ гимназиянь и Рузаевкань 9№ школань тонафнихне. Тяса теест ётафтфоль экскурсия зданиять эзга, няфтьфоль Госсобраниянь музейсь, азонтфоль закононь нолни органть работанц колга. Тяда меле школьникне пуромкшнесть Оцю залса, коса синь мархтост васетькшнесь МР-нь Госсобраниять Председателец, «Единая Россия» партиять Мордовскяй региональнай отделениянц Секретарец В.В.Чибиркин. Владимир Васильевич пачфтсь од ломаттненди кода и мезенди примафоль Конституциясь, азондсь республикаса властень системать колга.

—Странаньконь фкя инь васенце законоц—Конституциясь примафоль аф тёждя пингста синцень странань эряйхнень мяльснон коряс,—азозе В.В.Чибиркин.—Эсонза кемокстафт ломанть праванза и воляшинза.

 

Российскяй Федерациянь Конституциясь примафоль 1993 кизоня. Тядде теенза топодсь 25 киза.

 

В.В.Чибиркин кошардозень од ломаттнень улемс эсь странань афкуксонь гражданинкс, кельгомс шачема масторснон. Тинь эздонт, мярьгсь Владимир Васильевич, ащи Россиять сай пингоц.

 

Сяда тов Российскяй Федерациянь Конституциять колга лекция школань тонафнихненди лувсь «Молодая гвардия «Единой России» ВОО-ть МРО-ц вятиенц тевонзон тиендисна И.А.Заугольнов.

 

О.ЕВДОКИМОВА.

 

 

 

13.12.2019
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин