Поиск по сайту: 
 

Архив
 апрель 
 2024 
пн вт ср чт пт сб вс
1234567
891011121314
15161718192021
22232425262728
2930     

 
 

 

Ульяновскяй областень мокшэрзянь национально-культурнай автономиять председателец В.А.СОФОНОВ:

Иласа ульсть мокшэрзянь делегацият и творческяй коллектифт Мордовия, Татарстан и Чувашия Республикатнень эзда, Саратовскяй, Самарскяй, Пензенскяй, Нижегородскяй областтнень эзда и Ульяновскяй областень эрь муниципальнай районцта.

 

Мокшэрзянь моронь-кштимань 20 национальнай коллектив сашендсь илас, мялень салай концертса кеняртьфтезь тяза саф инжихнень и тястонь эряйхнень. Национальнай ремеслань и промыслань мастерхне анокласть-пуроптсть картинань, мокшэрзянь национальнай панаронь и сувениронь выставкат, а национальнай ярхцамбялень пидихне-панихне сембонь каванязь танцти ярхцамбяльса.

 

«Шумбрат» илас сембе сафненди приветственнай валса пшкядсть Ульяновскяй областень губернаторсь С.И.Морозов, Ульяновск ошень мэрсь С.С.Панчин, Ульяновск ошень Думань председательсь И.В.Ножичкин.

 

Тяфта жа няевикс вастса ащи мокшэрзянь национальнай костюмонь «Ламзурь» фестивальсь, конань минь ётафтоськ Ульяновскяй областень Ялгаксшинь дворецса 1 октябрьста. Сон лемтьфоль Ульяновскяй областень мокшэрзянь национально-культурнай автономиять 20 кизонь юбилеенцты.

 

И нинге фкя тевть, конань инкса минь, Ульяновскяй областень сембе мокшэрзятне, марятама башка гордость, тя Ульяновск ошень фкя инь мазы и оцю скверти максф мокшэрзянь васенце просветительть Авксентий Филиппович Юртовонь лемоц. Тяфта жа тя скверса 2021 кизоня арьсекшневи панжемс мокшэрзянь васенце просветительти памятник.

 

И, конешна, тейнек няевикс вастса ащихть Мордовскяй (мокшень и эрзянь) народть Межрегиональнай общественнай организациянц VII съездоц, коса мон улень делегатокс, и сонь одкстоптф Исполкомонц васенце заседанияц, коса мон тяфта жа улень и работань.

 

—Кода кармай латцевома мокшэрзянь национально-культурнай автономиять работац тядде? И кодама тевонь-мероприятиянь вельде тинь ёратада ётафтомс мокшэрзянь Межрегиональнай организациять VII съездсонза арьсефть?

 

—Съездта меле минь ётафтоськ Ульяновскяй областень мокшэрзянь национально-культурнай автономиянь Исполкомть келептьф заседаниянц. Тяса нинге весть ваноськ мокшэрзянь Межрегиональнай организациять 2020 кизонди рабочай планонц и эсь планоньконь. Аф сёпса: тиеме эсь планцонк кой-кодама цебярь полафткст.

 

Сяс тейне ули кода азомс: тя кизось автономияньконди кармай козя лама цебярь тевса-мероприятияса, конат аф аньцек виияфтсазь Ульяновскяй областьса мокшэрзянь национальнай культурать, но и мокшень и эрзянь кяльхнень. Тяда башка, койсон, синь няевиста кемокстасазь сембе ширдень соткснень российскяй нациянь 120 национальностень ёткса, конат фкя-фкянь мархта ладязь эряйхть тячи областьса.

 

мартста минь ётафтсаськ Ульяновскяйса родной кялень и литературань учительхнень региональнай форумснон, апрельста—«Эргине-2020» («Ожнаня») мокшэрзянь культурань идень Областной конкурсть, майста—«Сиянь пайгонят» мокшень и эрзянь кяльса моронь, стихонь, театральнай постановкань областной творческяй конкурсть, кона лемтьф Великай Победать 75 кизонь юбилеенцты.

 

Надиян, Ульяновскяй областень и Россиянь лия региононь мокшэрзятнень ванфснон вакска аф ётай «Шумбрат» и «Масторавань морот» межрегиональнай иланьке, конат июньцта и июльста ётафтовихть Ульяновск ошса. Койсон, тяфтама мокшэрзянь илатне кеподьсазь од серьс мокшетнень и эрзятнень национальнай самосознанияснон Всероссийскяй переписьта инголе.

 

Тя и лия цебярь цельхнень сатоманкса тядде областень мокшэрзянь национально-культурнай автономиясь кармай работама «Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедицияса-фестивальса, «Евсевьевскяй 56-це лувоматне» Международнай научно-практическяй конференцияса, «Акша келу» Межрегиональнай национально-фольклорнай иласа, Мордовия Республикань «Шумбрат» Межрегиональнай фольклорно-этнографическяй праздникса, оцю и ёмла  лия мероприятиятнень эса, конат ётафтовихть Мордовияса, Ульяновскяй, Нижегородскяй, Самарскяй областтнень и Россиянь лия региоттнень эса, коса компактнайста эряйхть мокшет и эрзят.

 

—А кода латцевихть мокшэрзянь национально-культурнай автономиять тевонза Ульяновскяй областень и Мордовия Республикань государственнай властень оргаттнень мархта?

 

—Комсь кизоста Ульяновскяй областень мокшэрзянь национально-культурнай автономиясь, государственнай властень оргаттнень мархта покодезь, кочкась эрявикс опыт. И, азса видеста, государственнай властень оргаттнень лезксснон вельде любой мероприятиять и анокламацка, и ётафтомацка ламода сяда тёждя.

 

Кунара ни ладявсть цебярь рабочай сотксоньке Ульяновскяй областень губернаторть С.И.Морозовонь, Ульяновск ошень мэрть С.С.Панчинонь и областень муниципальнай сембе райоттнень оцюняснон мархта.

 

Тякоть ули кода азомс Мордовия Республикань государственнай властень оргаттнень мархта соткснень квалма. Мордовскяй (мокшень и эрзянь) народть Межрегиональнай организациянц VII съездонц анокламда инголе минь, мокшэрзянь организациянь Исполкомонь члеттнень, тернемазь-пуропнемазь совещанияс Мордовия Республикань Оцюнясь В.Д.Волков. Тяса ванфтольхть сембе эрявикс кизефксне съездть анокламанц и ётафтоманц коряс.

 

Тяфта жа сатомшка кунара Ульяновскяй областень мокшэрзянь национально-культурнай автономиясь ладясь цебярь рабочай соткст Мордовия Республикань культурань, национальнай политикань и архивнай тевонь, образованиянь, печатень и информациянь министерстватнень мархта. Азома сявок, эрь оцю мероприятиясонк улендихть ня министерстватнень представительсна, Мордовиянь инь содаф творческяй коллектифне, артисттне, национальнай промыслань и ремеслань мастерхне, Ульяновскяй областень мокшэрзянь национальнай школатненди кучсевихть мокшень и эрзянь кяльса тонафнемань учебникт, художественнай литература, а «Мокшень правда» и «Эрзянь правда» газетатне печатлайхть колганк цебярь материалхт.

 

—Владимир Анатольевич, койсот, мезьса тейнек нинге виияфтоволь мокшэрзянь национальнай движениясь федеральнай уровеньца?

 

—Тянь коряс улихть кафта мяльне. Васенцесь—минь ули мокшэрзянь бароцямань национальнай спортоньке. Койсон, пара улель сонь регистрировандамс Россиянь Спортонь министерстваса и ётафнемс тя национальнай бароцямать коряс Россиянь чемпионатт.

 

Омбоцесь—сась пинге тейнек, мокшэрзятненди, арьсемс-тиемс Мокшэрзянь Всероссийскяй национально-культурнай автономия.

 

Лиякс мярьгомс, тиемс татархнень, чувашнень и Россиянь лия нароттнень лаца, конатнень улихть ни Всероссийскяй национально-культурнай автономиясна.

 

—Удалаза арьсефонте, Владимир Анатольевич.

 

—Сюкпря. Минь карматама работама!

 

В.НЕСТЕРОВ.

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022