Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обратная связь (Газета - Читатель)

САЛАЗГОРЬСА УЛИХТЬ «МОКШЕНЬ ПРАВДАТЬ» ЯЛГАНЗА

—Мекольдень кизотнень почтаса покодемась арась пяк стакакс,—корхтай М.Ф.Терёшкина.—Пенсиятне аф оцюфт, ломаттне сёрматфнихть тифтень газета. А кой-кит тифтеньге аф сёрматфнихть.

 

И Мария Фёдоровнань мархта аш кода аф согласиндамс. Пингсь полафтсь. Ломаттне ёфси лия сельмоса ваныхть тяниень эряфть лангс. Оттне сяда сидеста Интернетсот, косот сембе мекольдень кулятне. Эряфкшу ломаттне телевизор инголет. Но, аф ваномок тянь лангс, «Мокшень правдась» аф юмафнесыне лувиензон, пара ялганзон. Ётксост Г.Ф.Никишова, Г.В.Сетяев, В.И.Цыганова, В.В.Колядина и лиятне.

 

«Мокшень правдань» журналисттне сидеста улендихть школаса. Вов и ня шитненьге газетать эсь корреспондентоц И.П.Вешкин васьфнесь иттнень мархта. Мокшень кялень и мокшэрзянь литературань кабинетса инь няевикс вастса ащи тядянь-алянь кяльса газетась. Сонь мархтонза работайхть кялень и литературань урокса, нолясазь тевс аф класснай мероприятияс анокламста. Сембось тя кепси мяль. Но мекольдень пингть ламоц тонафтыхне, иттнень родительсна аф сёрматфнихть «Мокшень правда», аф морафнихть мокшекс. И тя пяк пичефти. Тянь колга седикс-ваймокс мольсь корхтамась и иттнень мархта. Шабатне макссть лама кизефкс журналистти, конатнень лангс И.П.Вешкин отвечась пара мяльса.

 

—Конешна, эсь кяленьке юкснемс аф эряви,—мярьгсь историянь и обществознаниянь учительсь Г.В.Сетяев.—Васенда ламоль Салазгорьса «Мокшень прадань» сёрматфтыда. Тяни ламонцне кодамовок изданият аф тяштьфнихть. Кле, аш мзярда морафнемс. 2020 кизоня топоди 130 киза З.Ф.Дорофеевонди. «Мокшень правдась» аф ётай тя юбилейть вакска, кармай лама азондома содаф земляконьконь колга. Иттненди няфнесаськ сидеста газетать, азонкшнетяма колганза, морафнетяма мялень салай статьят. Эняльттяма, штоба корхтаманьконь пачфтелезь и родительснонды. Газетась эряви сёрматфнемс, морафнемс. Сон пяк интереснай.

 

Тяка мяльть кирдьсы мокшень кялень  и мокшэрзянь литературань тонафтысь Г.Ф.Никишова.

 

—Мон монць кельгса «Мокшень правдать» и тя кельгомать старандан пачфтемс иттненди,—мярьгсь Галина Фёдоровна.—Кабинетсонк фалу васенце вастса «Мокшень правдась». Ванондсаськ иттнень мархта, корхнетяма колганза, лувонттама стихт, азкст.

 

Тя сембось, конешна, пара. Газетаньконь улихть кельгиенза, морафтыенза. Но пичефти лиясь. Кой-кона тонафтыхне пря трясть мокшень кяльть, литературать вельде. Няфтезь пряснон «Мокшень правдань» кельгикс. Аньцек тусть школаста и тя кельгомась аделавсь. Мезенди, кле, тяни эрявсь газетась, мокшень кяль вдь аф вяттяма.

 

 

И.СИДОРОВ.

 

Снимкаса: Салазгорь велень почтальоттне М.Ф.Терёшкина и Е.Ф.Никишова ванондсазь «Мокшень правдать»

 

од номеронц.


23.01.2020 №2
 
 
 

 
НОВОСТИ
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин