Поиск по сайту: 
 

Архив
 апрель 
 2020 
пн вт ср чт пт сб вс
  12345
6789101112
13141516171819
20212223242526
27282930   

 
 

 

Национальная тематика

ШАЧФ-УДАЛАФ СЕМБЕ ТЕВСА

Тяфта Сурняефне ушедсть эряма Рыбкина велеса. Синь шачсть кафта стирьсна. Василий Иванович покодсь электрикокс. Валентина Гавриловна работась Ковылкинскяй маслосырзаводть филиалсонза лаборантокс. Мзярда филиалть сёлгозь, Валентина Гавриловна лиссь работама колхозонь правленияв. Но каготтнень мархта тостонь тевсь теенза ульсь аф мяльс коре.

 

2010 кизоста сявомок В.Г.Сурняевась кярьмодсь культурань тевти. Ушедсь работама велень клубса культорганизаторкс. Арась вятикс велень «Ляйня» фольклорнай ансамбльти. Вов кода сонць мокшавась азонды тевонц ушедоманц колга:

 

—Морамань асушись тейне ётась тядязень эзда. Тянемс велеряйхне лятфнесазь сонь мазы вайгяленц. Морась сон васенце вайгяльса. Сонь сидеста сявонделезь велева выступандама. А монь морсемань-кштимань тевти кельгомазе эвондась 2010 кизоня, мзярда велеряеньконь мархта якаме инжикс Оренбургскяй областень мокшетнень шири. Минь веленьке кирди соткст Оренбургскяй областень Новосергиевскяй райононь Рыбкина велеть мархта. 200 кизода инголе велестонк тоза тусь лама семья. А тяни кафта Рыбкина мокшень велетнень ёткса кирдевихть ялгаксшинь соткст.

 

Мзярда вятевсь анокламась Оренбургу молемати, Валентина Ивановна Шукшина, кона морсесь «Ляйня» ансамбльса, серьгядемань моньге коллективу. Азан теенза оцю спасиба. Эряфсон эвондась мялень салай тев, конань вельде ванфтови-няфневи минь культураньконь козяшиц.

 

Оренбургскяй областьса улемста монь дивандафтомазь тостонь мокшетне. Ётась лама киза, мзярда синь тусть эсь шачема аймакстост, тоса аш газетат, журналхт шачема кяльса, мокшень кяльсь аф тонафневи школаса, но, аф ваномок тянь лангс, синь корхтайхть мокшекс, мянь марстонь диалектоньконьге ванфтозь.

 

Мархтост шачема кяльса корхтамста нльне тусть сельмоведне… Ваностека, а минь, Мордовияса эрязь, уноконьке ни аф содасазь кяльть. Кода корхнихть, сембось шарьхкодеви серцек путозь.

 

Мрдатама героиняньконди. Валентина Гавриловна пяк кельгсы гармониянь коряс кштиманц, сонць латци сиде моронят. Вельдест морси велеть тяниень пингонь эряфонц колга. Сонь сиде моронянза содафт аф аньцек Ковылкинскяй районца, но и марнек Мордовияса.

 

Вай, спасиба

 

                               Шкабавазти,

 

Нинге минцень Оцюти.

 

Эряфсь пандста кевори,

 

Мезе нинге эряви?

 

 

Менеленьке валда,

 

Ярхцатама палда,

 

Ушнетяма газса,

 

Эрятама павазса.

 

 

Велень эряфсь петевсь,

 

Афи весть, а ветексть.

 

Эрь кудса машина,

 

Душевой кабина.

 

 

Улихть В.Г.Сурняевать и велень авать эряфонц колга сиде моронянза:

 

Тяни велень авась-ажась

 

Весть аф пиди-пани кши.

 

Мирденц ошу кучсь-

 

                               прважась.

 

Сонць ризнамда морай-

 

                                   кштий.

 

 

Тоса улихть отькорь

 

                                      ават,

 

Перьфкаст юпонды сон

 

                               кштирькс.

 

Ошень ломань лувксть

 

                                прибавай,

 

Ну, а веленнесь, няк,

 

                                      кирсь.

 

 

Валентина Гавриловна аф юкснесы и «Мокшень правда» газетатьке:

 

Мордовияса эрятама,

 

Корхнетяма мокшекс.

 

«Мокшень правда»

 

                                газетась

 

Кайги тундань локшекс.

 

 

«Мокшень правдать»

 

                                    лувондса,

 

Пялон саманц учендса.

 

Мала ялгакс кепотьф

 

                                       мяльса,

 

Мархтон корхни сон

 

                                эсь кяльсон.

 

 

Эрь страницанянц луван,

 

Эрявикс кулят муян.

 

Симонцят шинжаромкс

 

                                      лочай,—

 

Кода кенерькшни синь

 

                                      кочкамс!

 

Мокшавась ветексть арсесь «Шумбрат, Мордовия!» и «Играй, гармонь!» республиканскяй фестивалень лауреатокс. 2017 кизоня народнай творчествать виияфтомаса участиянь примаманкса сон казьфоль Мордовия Республикань Оцюнять Благодарностьса.

 

Вете кизот кода В.Г.Сурняевась вятьсы велень «Ляйня» фольклорнай ансамбльть. Тяни коллективса 9 ломатть. Эрь недяляня мокшаватне кочксевихть репетицияс. Кадондомок эсь кудъётконь тевснон, эряфонь пичефксснон, аватне петнесазь мяльснон мазы мороса, арьсекшнихть мялень салай репертуар. Рыбкинскяй велень поселенияти сувси 14 веле. Сембе оцю илатненди «Ляйня» ансамбльть мораенза аноклакшнихть концертт, конатнень няфнесазь ня велетнень эзга.

 

Валентина Гавриловнань валонзон коряс, сон мзярдовок афи арьсекшнесь, што, работамок 22 киза пищевой промышленностьса, пови работама культурав, ушеды кштима-морама сцена лангса. Азома сявок, што мокшавась аф аньцек латци сиде моронят, но и сёрматкшни сценкат, фельетотт, морот. Кепотьксонди, «Монь велезе» морось, кона азонды Рыбкинать мазышинц колга и сувси «Ляйня» ансамбльть репертуарозонза, и валхнень, и музыкать сёрмадозень В.Г.Сурняевась. «Эх, мордовочка моя!» сембонди содаф мороть, Валентина Гавриловна марса Оренбургонь мокшетнень мархта ётафтозь мокшекс и эсонза моразь аф аньцек мокшавать, но и мокшалять мазышинц.

 

Валентина Гавриловна—Шкайть мархта асушиса казьф мокшава. Сон аф аньцек сафтсы кштимаса-морамаса, тяда башка, сон цебярь кудазорава. Кельгсы танцтиста пидеманц-панеманц, инжиень каваняманц. Сон павазу тядя и рьвя.  Касыхть кафта уноконза.

 

Т.Петрова.

 

 


30.01.2020 №3
 
 
 

 
НОВОСТИ

Правительство поддержало предложение «Единой России» ввести льготы на оплату ЖКУ в период пандемии коронавируса

Набор мер поможет сгладить последствия эпидемии для людей
 
Предложение «Единой России» и Министерства строительства и ЖКХ России о введении особого порядка оплаты жилищно-коммунальных услуг из-за пандемии коронавируса поддержало Правительство России. Такие нормы устанавливаются до 1 января 2021 года. 
 
«Для всех жителей нашей страны, независимо от их доходов, мы введем временный мораторий на начисление штрафных санкций за неоплаченные коммунальные услуги - газ, электроэнергию, тепло, воду, канализацию, вывоз бытовых отходов. Коммунальные услуги за долги отключать не будут», - заявил премьер-министр Михаил Мишустин на заседании президиума координационного совета Правительства по борьбе с коронавирусом.
 
2 апреля секретарь Генерального совета «Единой России», вице-спикер Совета Федерации Андрей Турчак выступил с такой инициативой на заседании верхней палаты парламента. По его словам, представленный набор мер поможет сгладить последствия пандемии коронавируса для людей.
 
Согласно разработанным предложениям, управляющие компании и компании, работающие с твердыми коммунальными отходами (ТКО) не должны начислять пеню в случае несвоевременной или неполной оплаты коммунальных услуг, либо услуги по обращению с ТКО. Компании не должны ограничивать или приостанавливать предоставление услуг в случае неполной оплаты. Это касается и договоров на газоснабжение, электроэнергию, теплоснабжение, водоснабжение и водоотведение. Также будет приостановлено начисление пени за несвоевременное или неполное внесение взносов на капитальный ремонт, платы за жилое помещение.
 
-Все   необходимые меры , касающиеся  введения  особого порядка  оплаты   жилищно- коммунальных услуг  в регионе  будут неукоснительно соблюдены.  Они направлены на то, чтобы не допустить   ухудшения жизни людей и  существенно помочь  в период эпидемии»- сказал Секретарь Регионального отделения Партии Владимир Чибиркин
 
08.04.2020
 

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин