Поиск по сайту: 
 

Архив
 апрель 
 2024 
пн вт ср чт пт сб вс
1234567
891011121314
15161718192021
22232425262728
2930     

 
 

 

«СЕМБЕ МИНЬ—ФКЯ СЕМЬЯ!»

тяфтама лем ала Тольятти ошень Мокшэрзянь культурань центрась ётафтсь ила, кона лемтьфоль Великай Победать 75 кизонь топодеманцты

16 февральста Самарскяй областень Тольятти ошень Мокшэрзянь культурнай центрась ётафтсь «Сембе минь—фкя семья!» Мокшэрзянь культурань ши, кона лемтьфоль Великай Победать 75 кизонь топодеманцты.

Тольятти ошень ламоц эряйхне—ёмланек-оцюнек пуромкшнесть «Автоград» культурнай центрав, штоба ваномс Мокшэрзянь культурань шить и примамс эсонза участия. Ёфси курок васьфтьсаськ Победать 75 кизонь топодеманц. Улема, аш стама семья, кона афоль юмафта Великай Отечественнай войнаса хуш фкя ломань, сяс пелькс и толу-качаму ся кизотнень колга мялямсь седисонк кармай эряма фалу. И сяс 9 майть—Победань Шить—учендсаськ таколдозь.
«Автоград» культурнай центрав сашендсть сят, кинь мялецоль сяда крхкаста содафтомс мокшетнень и эрзятнень культураснон мархта. Ётксост ульсть родной кялень содайхть—Самарскяй областьса эряй мокшет и эрзят. Сембе синь оцю мяльса ванондозь национальнай щапнень-каряпнень, козя выставкатнень. Мекольцетнень колга азома башка. Национальнай щапне-каряпне, мокшэрзянь промыслатне, Мордовия Республикать колга книгатне—эсост азондови мокшэрзянь масторть содаф стирензон и цёранзон, синь сатфксснон колга—тя сембось салсесь мяль. Кядьса тиф матрёшкатне, мокшень и эрзянь стирьхне-някатне—сельмоце аф явфтови мазышиснон эзда. Ломаттне ламос ванондозь козя выставкатнень, маласост тифнесть лятфнембяленди фотографият, ёрасть мархтост куду сявомс няфтьф козяшить кой-конашка талеканц хуш ёмла пяльксонц.
Сяда тов пуромфне ётасть «Автоград» культурнай центрать ёмла залозонза. Приветственнай вал мархта теест пшкядсь Тольятти ошень Мокшэрзянь культурнай центрать председателец, мокшалясь Юрий Михайлович Дёмкин.
Меле корхтась Тольятти ошень округонь администрациянь общественностть мархта взаимодействиянь Управлениять этноконфессиональнай отношениянь отделонц начальникоц И.П.Щекина, кона казсь праздникть участниконзонды Благодарственнай адрест Тольятти ошень округонь оцюнять С.А.Анташевонь эзда.
Мокшэрзянь культурань шить концертоц ушедсь «Лайме порась» Тольятти ошень мокшэрзянь моронь ансамбльть выступлениянц эзда. Пингстонза кайгсть рузонь, мокшень, эрзянь кяльса морот. Кулевсть кядень кайги цяпамат. Меле сценаса морасть Мокшэрзянь культурнай центрань участникне—мокшень стирсь Мария Панина, Михаил Игаев, а стане жа—Самараста «Килейне» эрзянь-мокшень моронь ансамбльсь, Красный Яр велень поселенияста «Чевгель» мокшэрзянь моронь ансамбльсь, Саранскяйста «Лайме» ВИА-сь.
«Сембе минь—фкя семья!» Мокшэрзянь культурань шить пингста кайгсть войнати, эсонза Победати лемтьф морот, стихотвореният. Шумордамдонза меле ваныхне малаткшнесть ётафтыензонды и азондсть седиста моли благодарностень валхт тяфтама казненкса.
Т.АЛЬШИНА.


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022