Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Обратная связь (Газета - Читатель)

«Мокшень правдать» кунардонь ялганза

Кяшалсь—кунардонь мокшень веле Атюрьевскяй районца. Тяса шачсь и кассь лама содаф ломаньда. Синь ётксост поэтсь А.С.Малькин, содаф руководительхне Ф.П.Девятаев, А.А.Аверясов, А.И.Карьгин и лиятне.
2020 кизоть васенце пялестонза «Мокшень правдась» канневи Кяшалса 50-да лама кудс. Ламонь киза эсь кяльса газетать сёрматфнесазь М.Ф.Тиштяпкина, Е.П.Поршина, О.П.Чепайкина, А.И.Кашуркина, А.П.Балашова и ламонцне лиятне.
Кепотьксонди, педагогическяй трудонь ветеранць Ф.А.Богданова «Мокшень правда» сёрматфни ведьгемоньда лама киза. А морафнемонза ушедсь нинге стирнякс. Эста эрясь Зубово-Полянскяй районца. Аляц, Алексей Егорович, фалу тяштьфнесь «Мокшень правда». Зубова Полянань педучилищада меле Фаина Алексеевна ушедсь покодема Кяшалса. Вятсь мокшень кялень и мокшэрзянь литературань урокт. Эсь кяльсонк газетафтома ёфси ашель кода. Сон лездсь тонафтыти урокс и аф класснай мероприятияс анокламста. «Мокшень правдань» кельгикс ульсь и мирдец—РСФСР-нь и Мордовскяй АССР-нь Заслуженнай учительсь В.С.Богданов.
Тянивок Кяшалонь школаса «Мокшень правдать» лама сёрматфнидонза и кельгидонза. Нят: Т.И.Лебина, Н.Г.Панькина, Л.П.Зеленова, Л.П.Очкина, П.П.Агутина, П.М.Шабайкин, П.В.Агутина, лиятне.
Мелянь 2 декабрьста топодсь 90 киза Кяшалонь эряйти, трудонь ветеранти М.Ф.Ломайкинонди. Ульсть поздравленият, казнет и шнамань валхт. Сон ётась эряфонь оцю и кувака ки. Михаил Фёдорович «Мокшень правдать» кунардонь ялгац. Тянемс сёрматфни и морафни эсь кяльсонк газета.
Ведьгемоньда лама киза мокшалясь макссь велень хозяйствати. И конюхоль, и плотниколь, и скотниколь, и пцтай 25 киза покодсь шофёркс «Партизанский» совхозса. А мзяра казнедонза лац покодеманкса. Сембе синь афи лятфтавихть.
Рьванц Полина Николаевнань мархта шачфнесть мянь 12 идь. Колмотне кулость ёфси ёмланяста. Вейхксотне кассть трудонь кельги, цебярь ломанькс. Тяни трудонь  ветеранть 13 унокоц, 12 уноконь идец. Сембе кельгсазь сонь, фалу сашендыхть инжикс.
Вов ни 12 киза, кода аш шиса кельгома рьвац, Полина Николаевна. Сиренясь эряй ськамонза. Но юкстаф ломанькс эсь прянц аф лувондсы. Иденза варчсесазь пяк сидеста. Да и велеряйхнендивок фалу панжадот кенкшенза. Сашендыхть мархтонза корхнема, цебярь советонкса оттне и сиретне. Михаил Фёдорович пара мяльса няфнесы «Мокшень правдать», азонды морафтфонзон колга.
Ашезь ляда газетафтома Михаил Фёдорович и 2020 кизоть васенце пялестонза. Пцтай васенцекс Вярдень Кяшалса сёрматфтсь «Мокшень правда».
Кунардонь ялгакс лувондови и А.М.Балашова. Аф стак Кяшалса улемстонза главнай редакторсь И.С.Лушкин «Мокшень правдать» эзда казезе Анна Михайловнань Почётнай  грамотаса. Сон и морай, и стихт тяшти. Эсь мазы вайгяленц мархта петьсы эрь илать.
Аф кржа вий путни газетати сёрматфтомаса и Кяшалонь связень отделениянь оцюнясь  Л.И.Мустайкина. Лама киза отделениять васенда вятезе тядяц А.П.Матюшкина. Сон ульсь цебярь ломанькс, мокшень кялень кельгикс. Тусь пенсияв, полафтозе стирец. Людмила Ивановнаньге пяк оцю авторитетоц ломаттнень ёткса.
Тевонь содай, трудонь кельги мокшалясь вятьсы и Кяшал велень поселениять. В.Ф.Четыркинонь сембе эряфоц сотф Кяшалть мархта. Тяса сон шачсь и кассь, тонафнесь школаса. Покодсь «Кишалинский» совхозса директоркс. Лама киза ни вятьсы велень поселениять. И аф кальдявста.
И.Вешкин.

20.02.2020 №6
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин