Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Обратная связь (Газета - Читатель)

МОРАФНЕСА ПАРА МЯЛЬСА

Мон эрян-ащан Атюрьевскяй райононь Курташка велеса. Покодень васенда «Рассвет» колхозса, сяльде—«Курташкинское» ООО-са. И фалу сёрматфнень «Мокшень правда», конань пяк кельгса, эрь номеронц учендса и морафнеса пара мяльса.
Ламотне корхтайхть, што газетаса пяк стака кяльсь, лама аф шарьхкодеви валда. Тейне-арам, тя аф виде, аф няян кодамовок прябалат лувомстонза. Пяк кельгсайне пеетькснень, пеетькс пакшкятнень, кунардонь пингонь моротнень, сиде моронятнень. Кельгсайне и пара советтнень. Синь эздост «Мокшень правдаса» макссеви пяк лама. А сембодонга пяк кепсесазь мялезень статьятне, конат азондыхть минь райононьконь, веленьконь колга. Курташкать колга «Мокшень правдась» сёрматкшни сидеста. И ули мезень колга азондомс. Веленьке оцю, ломаттне сембе трудонь кельгихть. Теест ули коса покодемс. «Курташкинское» ООО-ньке работай и аф кальдявста. Эсь пара тевонзон мархта содаф школаньке, велень поселенияньке. Да и эряфкшу ломаттневок тевфтома аф лядондыхть. И жуватат кирдихть, и перень сёрот касфтыхть, и стайхть-кодайхть.
Тяддеть васенце пяленцтывок тяштьфтень «Мокшень правда». Афкукс, газетась пяк цебярь, кеподи мяль.
Н.РЕЗЯПКИНА,
Атюрьевскяй райононь Курташка велень эряй, велень хозяйствань ветеран.

20.02.2020 №6
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин