Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Семботь колга

А свадьбась кштись, морась и… авардсь
Киевса рьвяяйсь и рьвакс туйсь сувасть ёмла лифту свидетельхнень мархта. А тядятне-алятне и инжихне—10 ломатть—озасть грузовойс. Кенкшне сёлговсть, кабинась тусь вастстонза. Ардсть фкя этаж, кафта, и тя ёткть лифтсь сязевсь. Павазонди, кивок ашезь шавов, кой-кит токавсть, кафттнень токавсть карязбакарьсна. Куломада ломаттнень аралазень ся, што кабинать потмос эцесь лама ломань, тя ляпоптезе эрьхтемать. Но оцю сталмоти ульсь кода арамс туфталкс аварияти: грузовой лифтти ульсь кода кирдемс кафкса ломатть—тя инь ламось. Токафнень сявозь больницяв, а рьвяяйсь и рьвакс туйсь тусть ресторану.
 
Музе атнай шабанять кархчнень ёткста
Михайловск ошста (Ставропольскяй крайсь) 43 кизоса Игорь Иткалюк шобдава ардсь машинаса гараженц малас и приметазе, кода аф ичкозе кархчень марть лангса мезе-бди шерьхки. «Арьсень, пинень или катонь лефкскат ёрдафт тоза,—азозе алясь.—Орадыне нулатнень, а тоста идень пряня няевсь. Эстокиге ашкодыне атнайнять. Лятфтайне, што гарашнень эзда сядошка метрань вастса няине «скорай помощень» машинать, эзк срхкань ся шири».
Шабанять удалась араламс. Сон ащесь кельмоса пцтай 1,5 част, но тяни сонь сембось лац. Курокста полицейскяйхне кирдезь 35 кизоса шабра кудонь эряйть—сон виденцясь, што атнайнять кархчнень лангс кадозе сон, шабась, кле, тейне аф эряви. Ушетф уголовнай тев, а Игорь Иткалюконь МВД-нь сотрудникне казезь казнеса.
Тя историять ули полатксоц. Игорь рьвяяф кафкса кизот ни, а шабанза аш, и сон сась мяльс сявомс эстеенза муф иднять. Ужяль, но шабанять нинге больницяса сявозе опека алу фкя од семьясь. Алясь кемай, што алякс сон сембе сяка арай: семьясь арьсекшни сявомс шаба идень кудста.
 
Пеетькс пакшкат

Рьвясь срхкась курортс и кизефнесы мирденц:
—Васька, мезе тейть ускомс тоста?
—Мезе мяльце, сянь и уск, тяни семботь пчкафтсазь.

Мзярда аляти кальдяв, сон вешенди ава. Мзярда аляти пара, сон вешенди водка. Виде, шобдава теенза тага уленди кальдяв…
Вованясь корхтай тядянцты:
—Тядяй, а кие монь алязе?
—Мороз Атясь.
—Кода стане?
—Кода, кода… сась веть, тись казне и оду сонь кивок ашезе няе.

Пациентсь сась врачти.
Врачсь:
—Мзярда мекольцеда улеть ширесон?
Пациентсь:
—Кафкса кизода инголе. Тон эста мярьготь, што тейне лядсь эрямс пяле киза и азыть кода пчксемс.
Врачсь:
—Бльшай, мон аф стама пчкама азонь.

Мрдась куду Петька школаста, нярец нолдаф.
—Мес, Петька, аф весялат? Тага, улема, учительницась кафта путсь?
—Да-а…
—А кодама предметса?
—Зоологияса.
—И мезе кядьстот кизефнесь.
—Кизефнесь, кинь алонза равчт.
—Мярьголеть страусть.
—А мон мярьгонь неграть.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022