Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«МИНЬ ЭРЯТАМА ЛАМА НАЦИОНАЛЬНОСТЕНЬ РОССИЯТЬ КУЛЬТУРАНЬ ФКЯ-МАРСТОНЬ КОДСА!»

Самарскяй областень «Масторава» мокшэрзянь региональнай национально-культурнай центрать председателец, Самарскяй областень губернаторть видеса межнациональнай тефнень коряс Советонь членць Л.А.Колесникова:
—Любовь Александровна, кодама оцю тефт тись ётай кизоня «Масторавась»? И кодама мероприятият аноклась-ётафтсь сонць и кодамса савсь теенза работамс?
—Самарскяй областень «Масторава» мокшэрзянь региональнай национально-культурнай центрати ётай кизось ульсь козя лама аф фкя лацонь тевса и мероприятияса. Ламотнень ня тефнень и мероприятиятнень эзда тиеськ-ётафтоськ кода Самараса и областень райоттнень эса, стане и Мордовия Республикаса и Российскяй Федерациянь лия региоттнень эса.
Минь келиста и лац-ряц васьфтеськ «Масторавать» 30 кизонь юбилеенц, Самарань «Народонь ялгаксшинь паркса» вихонзафтоськ мокшэрзянь подворьять строительстванц, Самараса и Сызраньца ётафтоськ Финно-угорскяй народонь шит илать и «Этно-цёра» конкурсть, а тяфта жа няфтеськ мокшэрзянь национальнай культурать мазышинц народнай творчествань Всероссийскяй, межрегиональнай и региональнай конкурсса-фестивальса и лия общественнай мероприятияса.
«Масторавань» активисттне тяфта жа кочкасть материалхт Самарскяй областень и Россиянь лия региононь мокшэрзятнень историяснон, культураснон и общественнай организацияснон квалма, конат сувасть Самараса нолдаф «Золотань книгати». Тяфта жа цебярь событиякс тейнек арась «Новая Кармала» книгать сяськомац «Благородство» областной конкурсса, конань сёрмадозе «Масторавань» активисткась В.И. Алексеева эсь шачема-касома веленц и сонь ломанензон колга.
Лия региононь мероприятиятнень эзда, коса работань монць и «Масторавань» лия активисттне, мон васенце вастти путолине «Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедициять-фестивальть, «Шумбрат» Межрегиональнай илатнень, конат ётасть Ульяновск ошса и Мордовиять столицаса, а тяфта жа Мордовскяй  (мокшень и эрзянь) народонь Межрегиональнай общественнай организациять VII съездонц и сонь одкстоптф Исполкомонц васенце заседаниянц.
—Кирдемок мяльса ётай кизонь рабочай опытть, тя кизоти кодама инь оцю задачат-вешфкст путсь эстеенза «Масторавась»?
—Инь оцю задачась-вешфкссь, кона, койсон, фалу ащекшнесь и ащи «Масторавать» и мокшэрзянь лия общественнай организациятнень инголе—тя мокшэрзянь национальнай культурать, мокшень и эрзянь кяльхнень, койхнень аф аньцек ванфтомасна, но и виияфтомасна. И, тяда башка, межнациональнай, межкультурнай и межрелигиознай соткснень кемокстамасна российскяй нациянь лия нароттнень мархта и синь ётксост.
Ня задачатнень-вешфкснень колга минь лама корхтаме Мордовскяй (мокшень и эрзянь) Межрегиональнай общественнай организациять VII съездсонза. Да и сонцьке съездсь, кода мяляфтсасть, ётафтовсь «Мордовскяй  (мокшень и эрзянь) народсь лама национальностень Россиять культурань фкя-марстонь кодса» девизонь коряс. Сяс, ётафнемок съездонь решениятнень эряфс, «Масторавась» тядде арьси ётафтомс стама мероприятият, конат кандыхть лама цебярьда минь, мокшэрзянь, и российскяй нациянь лия нароттненди, конатнень мархта минь эрятама фкя семьяса Самарскяй областьса.
Койсон, Тядянь-алянь кялень и культурань шит, Финно-угорскяй народонь шит региональнай илатне, «Масторавань тундо» мокшэрзянь областной фестивальсь и лия оцю и ёмла мероприятияньке няевиста няфтьсазь российскяй нациянь лия нароттненди мокшэрзянь и финно-угорскяй лия народонь национальнай народнай и профессиональнай культуратнень афкуксонь мазышиснон. И тянь мархта сядонга кемокстасазь сембе ширдень соткснень российскяй нациянь нароттнень ёткса, конат няйсазь: минь сембе эрятама лама национальностень Россиять культурань фкя-марстонь кодса!
Тянь тяфта жа тейнек ули кода няфтемс Великай Победать 75 кизонь юбилеенцты лемтьф лама аф фкя лацонь мероприятияса, конатнень минь ётафнесаськ Самарскяй областьса российскяй нациянь лия народонь общественнай организациятнень мархта марстонь вийса.
И ули нинге фкя тев, кона тейнек, мокшэрзянь народонь общественнай сембе организациятненди, тядде тиеви цебярьста аньцек марстонь вийса. Мон корхтан Всероссийскяй переписть квалма, кона октябрьста ётафтови странасонк.
Шарьхкотьф, ассимиляциянь процессне фкя вастса аф ащихть. Ингольдень переписнень итогсна няфнесазь: народоньконь марстонь лувксоц няевиста кирсь. Сяс тейнек эсь мероприятияньконь вельде Российскяй Федерациянь эрь регионца, коса компактнайста эряйхть мокшэрзят и улихть мокшэрзянь общественнай организацият, эряви кеподемс ломаттнень национальнай самосознанияснон стама серьс, коса синь аф виздезь сёрматфтолезь эсь пряснон «мордвинкс» или «мордвин-мокша, мордвин-эрзя» лемса.
Конешна, Всероссийскяй переписень кизефкснень квалма мокшэрзянь общественнай организациянь лидерхнень мархта минь карматама корхнема «Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедицияса-фестивальса и лия оцю и ёмла мероприятияса. Но пингсь эсонк кошарды: эрь регионца Всероссийскяй переписень кизефкснень коряс тефне эрявихть ушедомс тячи ни!
—Любовь Александровна, кода содаф, Российскяй Федерациянь лия нароттнень улихть Всероссийскяй национально-культурнай автономиясна. Койсот, мокшэрзянь народти эряви Федеральнай автономия?
—Койсон, Федеральнай автономиясь максоль оцю лезкс мокшэрзятненди, конат эряйхть аф Мордовия Республикаса, а Россиянь лия региоттнень эса, ванфтомс и виияфтомс национальнай культураснон, койснон, мокшень и эрзянь кяльхнень.
Тяда башка, улель кода сяда курокста пяшкотькшнемс мокшэрзянь лия кизефксненьге Всероссийскяй уровеньца.
—Сюкпря, Любовь Александровна. Удалаза сембе арьсефонте.
—Спасиба. Минь работатама.
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022