Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

ВАНОМС ИНГОЛИ И АРЬСЕМС САЙ ПИНГТЬ КОЛГА

Республикань Оцюнясь Посланиянц ушедозе ётаф кизоти итогонь тиемаста. «Минь лама сатоме, республикась стаки вииясь стабильнайста. Валовай региональнай продуктсь кассь пцтай 4 процентта и ётазе 246 миллиард цалковайть. 7 процентта лама касома няфтсь промышленностсь. Кочкаф цебярь урожай—1 миллион 350 тёжянь тоннада лама сёра. 15 тёжянь квадратнай метрада кассть эряма вастонь строямань объёмтне, тиф ремонт пцтай 180 вайгяльбе китненди, полатфоль Саранскяйса и республикань райоттнень эса транспортнай эрявикс артериятнень тиемасна. Россиянь Минфинть мархта соглашениять коряс меля пантфоль 5 миллиартт цалковай госшума. Тяфта, республикась лама кизоста васенцеда аф аньцек ашезе касфта, но и кирьфтазе сонь 10 процентта,—мярьгсь В.Д.Волков.

 

Заработнай платать касомац ульсь 2,8 процент. В.Д.Волковонь валонзон коряс, тя аф сяшкава лама, населениять доходонзон касфтомасна—республиканскяй власттнень инь оцю задачасна. Сяс Мордовияса населениять доходонзон касомаснонды улема 2-крда сяда оцюкс марнек странать коряс. Тя инь кржась.

 

«2024 кизоти Мордовияса средняй зарплатати пачкодема 42 тёжянь цалковайс—тя задачать кивок ашезе валхне! Тяддень кизоть итогонзон коряс, Мордовияса средняй зарплатати касома 2,5-3 тёжянь цалковайда»,—азозе республикань Оцюнясь.

 

Мордовиясь тись касомань-вииямань од аськолкс, кона сотф национальнай проект-тнень эряфс ётафтомаснон мархта. Национальнай ня проекттнень азозень Россиянь Президентсь В.В.Путин. Кота кизоста Мордовияти федеральнай бюджетста ули кода получамс 55 миллиард цалковай.

 

Кода азозе Мордовия Республикань Оцюнясь, фкя инь оцю задачакс ащи республикать аграрнай секторса инголи молемац. Мзярс сёлкф кись омба масторонь велень хозяйствань продукциять импортонцты, минь условияньке цебярьхть. Но эряви улемс анококс потребительть инкса  «тюремати». Тяконь лувксса примамс мерат органическяй продуктатнень производстваснон виияфтомаснон инкса. Теест тячи вешфкссь касы марнек мирса. Мордовияса органическяй земледелияса заняф Старошайговскяй районцта «Биосфера» компаниясь.

 

2019 кизоня Мордовияса строительхне пяшкодезь работатнень объёмснон. Строяф 348 тёжянь квадратнай метра эряма васта. Тя сяда лама мелять коряс. 2020 кизоня тя программась ули сядовок кели. Строительхненди сави тиемс 25 миллиард цалковаень питне работат, тевс нолдама 40-да лама производственнай и социальнай объект, строяма 360 тёжянь квадратнай метра эряма васта.

 

«Ня задачатнень пяшкодемаснон инкса эрь районца тиемат  специализированнай строительнай организацият. Сяс мес нацпроекттнень коряс сави работамс ламоц объекттнень лангса республикань сембе райоттнень эса. Проектта лама, синь аф фкя лацоннет—школат, идень сатт, кит, куттнень маласа территорият, капремонтсь и лият. Строямс семботь Саранскяйста аньцек строительнай оцю организациятнень лезксснон вельде пяк стака»,—шарфтсь мяль В.Д.Волков.

 

Посланияса аф ёмла васта занясть аварийнай эряма вастонь фондть кирьфтаманц колга задачатне. Федеральнай проектть коряс, эряви ётафтомс лия вастс эряма пцтай 5 тёжятть ломань 415 кудть эзда. Тя пцтай 90 тёжянь квадратнай метра. Мордовия Республикань Оцюнясь мярьгсь чиновникненди сяда курокста мумс модань участкат, эсь пингстонза анокламс проектно-сметнай документ-тнень, тиемс сембе тефнень лац и аф тарксемс пингть. Тянкса, кле, эрявихть площадкат и проектт, конат тифт федеральнай норматнень коряс, штоба афольхть эвонда дополнительнай карьхцьт муниципальнай бюджеттнень эзда.

 

Арьсевихть тиемс полафткст образованияса. Тяни Мордовияса работайхть идень технопаркт, научно-техническяй творчествань центрат. Эвондась идень мобильнай васенце технопарксь. Тядде панжема «Кванториум» идень технопарк Рузаевкаса, маластонь кафта кизотнень рамама мобильнай кафта технопаркт.

 

В.Д.Волков азсь тяфтама мяль: 2021 кизонь 1 сентябрьста сявомок кой-кона школатнень тонафнемань планозост омба масторонь омбоце кяленди сувафтомс китайскяй и испанскяй кяльхнень. Ламоц предприятияньке кемокснесазь сотксснон Азиянь и Латинскяй Американь странатнень мархта и ломаттненди, конат содасазь ня кяльхнень, Мордовияса ули вешфкс. Тяни кочкавихть пилотнай колма школат, а вусненди теест аноклама педагокт. Но лия кяльхнень коряс шабатненди сембода лац содама родной кяльть.

 

Корхтамок Великай Победать малаткшни юбилеенц колга, республикань Оцюнясь азозе, што 9 майти республикаса петемат сембе шавф воиттненди памятникнень. Сон тердезень общественнай организациятнень, поисковикнень, кадеттнень, казакнень, юнармеецнень, волонтёрхнень, краеветтнень, архивисттнень, а стане жа историянь учительхнень примамс участия славань аллеятнень, воинскяй калмотнень  благоустройствасост, поисковай тевса.

 

Башка мяль Посланияса шарфтфоль тядянь капиталть индексациянцты, шумбрашить ванфтоманцты, лама идень семьятнень ширеснон кирдемаснонды, спортти. Тиемс сави пяк лама и марстонь вийса. Аньцек тяфта ули кода пачкодемс од сатфксненди, молемс инголи и аньцек инголи.

 

Посланиять кулхцондомдонза меле  Мордовия Республикань котоце созывонь Государственнай Собраниять нильгемонь колмувоце сессияц шумордазе эсь работанц.

 

 

                                                                                                        Т.АЛЬШИНА.

 


05.03.2020 №8
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин