Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

МАРИЯ НИКОЛАЕВНА АНТОНОВА

Эсь талантонц мархта Мария Николаевна сатозе содафшить странать сембе уженянзон эса, сон арнесь концерт мархта 1950 кизотнень эзда сявомок 1980 кизотненди молемс Дальняй Востоку и Молдавияв, Прибалтикав и Сибири, Поволжьяв и Крайняй Северу.

 

Минь республиканьконь Мария Николаевна няфнезе и омба масторса: Финляндияса, Германияса и Чехословакияса. Сонь выступлениянза радиоса и телевиденияса, грампластинкань и дисконь тяштемась, творчестванц колга телефильмась, лама концертонь няфтемась—сембось тя васедема зрительть мархта, и эрь васедемась—тя кенярдема и сембе вастса—творческяй оцю сатфкст, ваныхнень ширде кельгома, кядень цяпамат.

 

М.Н.Антоновать вайгялец содафоль тембранц мазышинц, мазыста кайгоманц мархта. Сон аф аньцек морась, сон азондозе моронь героензон кельгомань и пичефксонь историяснон сельмованфса, прянь вятемаса, кядьса. Сонь искусствац няевиста сотфоль мокшэрзятнень морамань койснон мархта. Мария Николаевна макссь концертнай эряф ламоц традиционнай мокшэрзянь народнай моротненди. М.Н.Антонова—тяфта жа ульсь русскяй народнай моронь и Поволжьянь народонь, Мордовиянь, Россиянь композиторонь моронь морсикс.

 

М.Н.Антоновать лама кизонь творчествац отмечаф государственнай оцю казнеса—«Знак Почета», Народонь ялгаксшись ордеттнень мархта. Мария Николаевнанди максфтольхть «Мордовскяй АССР-нь Заслуженнай артист» (1957 к.), «РСФСР-нь Заслуженнай артист» (1960 к.), «Мордовскяй АССР-нь Народнай артист» (1968 к.) и «РСФСР-нь Народнай артист» (1980 к.) почетнай лепт.

 

2000 кизоня Мария Николаевнанди максфоль «Мордовия Республикань Почетнай гражданин» лем, сон нилексть ульсь «Мордовия Республикань Государственнай премиянь лауреатокс», Славань III степенень орденонь кавалер  (2011 к.).

 

Певицать сценическяй образоц сембе пингс лядсь Е.А.Ноздринонь художественнай полотнаса и несколька музыкальнай фильмаса, сонь лемоц сувафтф Трудовой доблестень и героизмань книгати. 1996 кизоста сявомок ётафневи М.Н.Антоновать лемса Народнай моронь фестиваль-конкурс.

 

Валда мялямсь Мария Николаевна Антоновать колга ляды сембе пингс минь седисонк.

 

 


05.03.2020 №8
 
 
 

 
НОВОСТИ
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин