Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

СЕМБОТЬ КИРДЕМС МЯЛЬСА

—Тяддесь сембонди тейнек эсь лацонне,—мярьгсь заседаниять панжемста республикань Оцюнясь.—Россиянь Президентсь В.В.Путин азозе 2020 кизоть Мялямонь и Славань кизокс. Фкя инь оцю событиякс арай Великай Победать 75 кизонц васьфтемац.

 

Кода мярьгсь В.Д.Волков, тя юбилейти анокламати оцю мяль шарфневи марнек странаса. «Победа» Всероссийскяй оргкомитетть  вятьсы сонць Россиянь Президентсь В.В.Путин. Субъекттнень эса пуроптфт региональнай оргкомитетт. Мордовияса сонь вятьсы республикань Оцюнясь В.Д.Волков.

 

Владимир Дмитриевич азозе, што Победать 75 кизонцты лемтьф сембе мероприятиятне ётафтомат инь оцю уровеньца, аноклама мялень салай, афкуксонь всенароднай праздник.

 

Илати анокламста васенце вастса ащи ветераттнень колга заботась. Кода мярьгсь республикань Оцюнясь, Правительствати, райононь и поселениянь оцюнятненди содамат эрь ветеранть пичефксонза-прябаланза и решандакшнемат синь одувонди апак кадонтт. Корхтамась мольфтеви кода материальнай и лекарственнай обеспечениять колга, стане и кудъётконь тевса лездомать квалма.

 

Тяниень пингть Мордовияса эряй 7400 ветеран. Нят войнань участникт и инвалитт, тылонь труженикт, блокадникт, концлагерень ингольдень аф совершеннолетняй узникт, войнаса шавфнень удавасна.

 

Республикаса аф юксневи сятнень колга, кит тячи нинге мархтонокт. Кода азозе В.Д.Волков, Мордовиясь странаса васенцетнень ёткса шумордазе ветераттненди эряма вастонь строямать коряс программать. Эряма вастт максфт 6,5 тёжянь ломаненди. Тядде Россиянь Президентть В.В.Путинонь мярьгоманц коряс, ветераттненди и лацост фкакс тиф категориянь ломаттненди ули пантф 75 тёжянень цалковай, тылонь труженикненди—50 тёжянень цалковай. Кода мярьгсь В.Д.Волков, ня выплататне пачфтемат ветераттненди марса апрель ковонь пенсияснон мархта.

 

Заседаниять пингста кулхцонтфоль Мордовия Республикань Правительствать Председателенц заместителенц Г.А.Лотвановать выступленияц. Сон пачфтсь Победань шити лемтьф мероприятиятнень пяшкодемаснон колга. Мордовия Республикань Оцюнять Администрациянц вятиенц заместителец Д.М.Борисов азондсь, кода мольфтеви «75 лет Победы в Великой Отечественной войне 1941-1945 годов» юбилейнай медальхнень каземасна.

 

«Дорога памяти» Россиянь Миноборонать проектонц эряфс ётафтоманц и «Эшелон Победы» акцияти анокламать колга  азондсь МР-нь военнай комиссарсь И.В.Тихомиров.

 

«Единая Россия» партиять Мордовскяй региональнай отделениянц секретарец В.В.Чибиркин азозе, што партиясь стане жа аф лядонды ширеса юбилейти анокламатнень эзда. «Историческая память» федеральнай партийнай проектть рамкаса Мордовияса тядде ули  касфтф площадкатнень лувкссна, коса ётафтови «Диктант Победы» Всероссийскяй акциясь.

 

О.Евдокимова.

 

 


20.03.2020 №
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин