Поиск по сайту: 
 

Архив
 март 
 2020 
пн вт ср чт пт сб вс
      1
2345678
9101112131415
16171819202122
23242526272829
3031     

 
 

 

Тема дня

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

—Светлана Ивановна, кит республиканскяй тядянь капиталть получаенза?

 

—Республиканскяй тядянь капиталсь, кода и лацонза федеральнай выплатась, нолдаф тевс регионца одс шачфнень лувксснон касфтоманкса. Максови сон тядятненди (семьятненди), конатнень шачсь (усыновляндаф) колмоце, нилеце и сяда лама шабасна. Кда странань ламоц субъекттнень эса, коса тевс сувафтф региональнай тядянь капиталсь, выплатать ули кода получамс аньцек весть, Мордовияса сон пандови эрь шабать шачфтоманкса, ушедомок колмоцеть эзда. Лиякс мярьгомс, республиканскяй тядянь капиталсь максови и колмоце идть шачфтоманкса (усыновляндаманкса), и нилецеть, и ветецеть и стак тов. Виде, лувксоц выплатать эрь случайста аф фкя лацонне.

 

—Тяниень  пингть кодама лувксоц республиканскяй тядянь капиталть?

 

—Колмоце идть шачфтоманкса выплатать лувксоц кармай 125,3 тёжянь цалковай, нилецеть—150,3 тёжянь цалковай. 187,9 тёжянь цалковай пандови семьяти ветеце или сяда лама шабань шачфтоманкса. Тядянь капиталть лувксоц касфневи эрь кизоня инфляциять касоманц мархта, лиякс мярьгомс, теенза тиеви индексация.

 

—Мезень лангс ули кода нолдамс тевс тядянь капиталонь ярмакнень?

 

—Мзярда шабати топоди колма кизот, республиканскяй тя выплатать ули кода нолдамс: эряма вастонь условиятнень цебярьгофтоманкса (эряма вастонь строяманкса, рамаманкса, помещениянди реконструкциянь тиеманкса), шабати образованиянь максоманкса. Эряви азомс, тядянь капиталонь ярмакнень ули кода нолдамс тевс и пингта инголе (мзярс шабати ашезь топоде колма кизот)—эряма вастонь рамаманкса (строяманкса) сявф ярмаконь кредиттнень коряс васенце  взность, основной шумоть или проценттнень пандоманкса.

 

—Мезень лангс сяда сидеста семьятне нолясазь республиканскяй тядянь капиталть?

 

—Сяда сидеста лама идень семьятне нолясазь ня средстватнень эряма вастонь условияснон цебярьгофтоманкса. Аньцек 2019 кизоня тяфта тись 530 семьясь. Шабаснонды образованиянь максоманкса тядянь капиталть нолдазь республикань 46 семьясь.

 

—Мзяра сертификат максфоль тя пингста?

 

—Республиканскяй тядянь капиталть колга законть эряфс ётафтомста максф 7750 сертификат. 2593 семьясь нолдазь ни тевс ня средстватнень.

 

—Светлана Ивановна, азонтт, пожалуйста, ся условиятнень колга, конат сявовихть мяльс тядянь капиталть максомста.

 

Васенцесь. Родительхне и шабасна эряйхть марса и синь ули сембе пингонь регистрациясна Мордовия Республикать территорияса. Омбоцесь.  И заявительсь, и шабатне—Российскяй Федерациянь граждатт. Омба масторонь и гражданствафтома ломаттненди выплатась аф максови. Колмоцесь. Шабась, кона максы тядяти права получамс тядянь капиталть, должен улемс шачф 2012 кизонь васенце январьда меле. Нилецесь. Аляти ули кода получамс выплатать тядять вастс аньцек эста, кда полац кулось, юмась куляфтома, сонь сявфт родителень праванза или сон лувондови аф дееспособнайкс. Ветецесь. Шабатненди ули кода получамс тядянь капиталть эста, кда синь арасть урозкс тяда меле, кода кулость или шавовсть тядясна-алясна. Выплатать инкса теест сама 18 кизоснон топодемс или 23 кизоснон топодемс, кда синь тонафнихть очнай отделенияса.

 

—Спасиба, Светлана Ивановна!

 

О.Евдокимова.

 


19.03.2020 №10
 
 
 

 
НОВОСТИ

ПЕРЯМС КИТЬ КОРОНАВИРУСНАЙ ИНФЕКЦИЯТИ

20.03.2020
 
 

МОРДОВИЯНЬ ГОССОБРАНИЯНЬ ДЕПУТАТТНЕ ШНАЗЬ РФ-нь КОНСТИТУЦИЯТИ ПЕТЬКСНЕНЬ

12 мартста Саранскяйса ётась Мордовия Республикань Государственнай Собраниять 44-це сессияц.  Сонь шинь повесткасонза фкя инь важнай кизефксокс ульсь РФ-нь Конституцияти петькснень колга законть ванондомац. Законти основакс арасть тезисне, конат азфтольхть РФ-нь Президентть Владимир Путинонь мархта Федеральнай Собранияти эсь Посланиясонза. Президентскяй ушетксне сяда тов ульсть келептьфт предложениятнень мяльс сявозь, конат састь рабочай группати, кона пуроптф государстваньконь вятиенц мархта.
 

 

Кода азозе шинь повесткати лихтьф тя кизефксть коряс дискуссиять ушедомстонза МР-нь Госсобраниять Председателец, «Единая Россия» партиянь политсоветть Секретарец Владимир Чибиркин, РФ-нь Конституцияти полафтксне водендафт странаньконь суверенитетонц обеспечендаманцты, граждаттнень социальнай гарантияснон кемокстамаснонды, политическяй системать виияфтоманцты, вешфкснень  касфтомаснонды ломаттненди, конат занцихть государственнай пяк эрявикс должностть.

 

20.03.2020
 

МОРДОВИЯСА 7750 СЕМЬЯТИ МАКСФ РЕСПУБЛИКАНСКЯЙ ТЯДЯНЬ КАПИТАЛСЬ

Тяниень пингть, кода марнек странаса, стане и минь республикасонк оржаста ащихть демографиянь кизефксне. Мордовиянь Оцюнясь В.Д.Волков Государственнай Собранияти Посланиянц эса азозе: «Маластонь кота кизотнень тейнек эряви пяшкодемс афкукс историческяй задача—касфтомс республикань населениять одс шачфнень лувксснон касфтоманц вельде, мезсь  апак сатнеколь комсь ветие кизода ламос». Эряви азомс, мекольдень пингть Мордовияса аф кржа тиендеви од, лама идень семьятнень ширеснон кирдеманкса. Эряфс ётафневи программатне, примсеви мератне каннихть результатт. Тяфта, вете кизоста лама идень семьятнень лувкссна Мордовияса кассь 1,5 тёжяньда. Тяниень пингть республикаса эряй 6685 семья, коса касфтовихть колма и сяда лама шаба. Оцю лезксокс ащи семьятненди тядянь капиталсь, кона тя кизоста сявомок Россиянь Президентть В.В.Путинонь мярьгоманц коряс, кармай      макссевома васенце идень шачфтыхнендивок. Минь республикасонк 2012 кизоста сявомок тевс сувафтф республиканскяй тядянь капиталсь. Кинди сон максови, кодама лувксоц и мезень лангс ули кода карьхцямс сонь? Тянь колга корреспондентоньконь мархта корхнемста азондсь Мордовия Республикань социальнай защитань, трудть и населениять занятостенц коряс министрть заместителец С.И.Шувалова.
 

19.03.2020  № 10
 
 
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин