Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Обратная связь (Газета - Читатель)

«МОКШЕНЬ ПРАВДАСЬ»—МИНЬ ЯЛГАНЬКЕ

Тяка жа администрацияса лама киза покоди Е.И.Ермолаева. Сонга сёрматфнесы и морафнесы газетать.

 

—Мокшекс лувомазень кельгса,—азозе Елена Ивановна.—Пяк мялезон пеетьксне, пеетькс пакшкятне, сиде моронятне, азксне. Васендакиге, конешна, лувондсайне ся статьятнень, конат сёрматфт Атюрьевскяй районть колга. Но, монь койсон, газетаса улихть кой-кодама афсатыкстка. Кепотьксонди, васьфневихть вельф оцю статьят, аф прокс шарьхкодеви валхт.

 

«Мокшень правдать» кунардонь ялгац, немецкяй кялень тонафтысь Т.В.Пронина азсь тяфтама мяль:

 

—Сяда лама сёрмадода велеть и велень эряфть колга. Тяни тяса лама стакада-сталмода, прябалада…

 

Кунардонь морафтыкс лувондовихть Мокшень Козловкаса Е.Ф.Маланкина, И.Ф.Сергеевонь, Н.С.Норкинонь и лиятнень семьясна.

 

Тяни тястонь школаса тонафни 65 ученик. Школань директорсь В.И.Гераськин, завучсь Н.Н.Гераськина тевснон вятьсазь маштозь, лац. Школаса оцю мяль шарфневи минценнети. Мокшень кялень и мокшэрзянь литературань урокнень мялень салазь вятьсыне В.И.Липайкина. Сон васенцетнень ёткса велеса сёрматфтсь тядденди «Мокшень правда».

 

—Тейне сон эряви и уроконь ётафтомста, и аф класснай мероприятиянь анокламста,—азозе Валентина Ивановна.—Газетать сёрматфнеса кунара, сон  пяк мялезон.

 

Е.В.Пятина вяти школаса физикань и математикань урокт, но пяк кельгсы мокшень кяльть и мокшэрзянь литературать. Газетавок педагогическяй трудонь ветеранць сёрматфни нильгемоньшка киза ни. А морафнемонза ушедсь нинге шабакс.

 

Вов ни лама киза школань тонафнихнень каванякшнесыне танцти ярхцамбяльса поварсь А.В.Маркина. Тя трудонь кельги мокшаваське кунара ни сёрматфнесы и кельгсы родной кяльса лисенди газетать.

 

Связень отделенияса пачфтезь, што «Мокшень правдась» лия периодическяй изданиятнень ёткста занцесы васенце вастть Мокшень Козловкаса.

 

И.Вешкин.

 


19.03.2020 №10
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин