Кда лабордат…

(Кялень-валонь историят)
Мезе лиси, кда лабордат? Арьсетяда, мезевок аф лиси, сяс мес, мзярда лабордат, кивок аф шарьхкоттянза. А мон мярьган: лиси лабиринт. Тя валть тиезь грекне, конат тёжятть кизода инголе лабордсть, кода тяни лаборттама миньге. Древнегреческяй /сяда тов–греч./ кяльса лабре- /окончаниясь нолдаф/ валть основац сяка, кода мокшень и эрзянь кяльса, и значенияц тяфтама жа /валхнень значениясна макссевихть рузонь кяльса/—«болтать зря, пустословить». Тя основаста грекне тисть вал лабюринтхос /тх–тя придыхательнай т, кода английскяй кяльса/, конань значениянза «лабиринт, здание с запутанными, многочисленными ходами; запутанность, сеть, невод, спиральная раковина». Греч. лабюринтх-оодяс, мокшекс /сяда тов–м/ лабиринт кодяма, эрзякс /сяда тов – э/ кодамо. Греч. валть эса васень согласнайсь прась. Аф эрявихть шорсемс мокшень кодама «какой» и кодяма «подобный» валхнень.

Эрь валть ули историяц: коса шачсь, коста сась, кодама полафткст тиевсть мархтонза фонетическяй и смысловой ширде. Аф сембе валхнень историясна шарьхкодеви, аф эрь валть юроц мушендови, аф сембе валхнень няевихть кисна-янцна. Штоба шарьхкодемс, кодама тя или тона валть историяц, эряви содамс, кода ломанць тонадсь корхтама. Тя статьяса аш васта тянь колга азондомс, но кой-мезе азан. Ломанць—природань эволюциять вярец, приматтнень ёткса сембода ёжусь. И ломанть кяльса /корхтамаса/ валонь васенце слойсь—ся звуковой средстватне, конат ульсть ломаньда ингольдень приматнень кяльса. Омбоце слойсь—рефлексивнай ювадематне, конатнень эзда тиевихть междометият, а синь эздост—валхт, конатнень улихть сяда конкретнай значениясна. Колмоце слойсь—звукоизображениянь, кода корхнихть, звукоподражаниянь валхт. Пяк оцю слойсь. Васень валхне ульсть фкя слогонь, и синь эсост ашесть явондов гласнай и согласнай звукне. Фкя-фкянь эзда ня валхне шарьхкодевсть тяфтама средствань вельде: кувалмоснон, вийснон, интонацияснон. Валда ульсь пяк кржа, и синь шарьхкодевсть сянь вельде, кодама ситуацияса азондовсть. Сяфтяма башка примерхт. Ведь валсь васенда ульсь аньцек фкя звуконь, конань эса марявсть у, и, в звуконь признакт: венептийть трватнень сяда инголи, тихть тяйня ётконя и тяряфтт азомс и звукть—тя и ули ведть древняй лемоц, обезьянань вал. Ётасть сядот тёжянь киза, и разнай кяльса эздонза тиевсть ведть тяниень лемонза. Тя валсь ушедозе кинц Юго-Восточнай Азияса и, мзярс мольсь, полафневсь сонь формац. Сяфтяма примерхт. Японскяй кяльса /сяда тов–яп./ у «вода, река, дождь», унга «канал», уо «рыба», бооу «ливень» /букв. «буйный дождь» /; монгольскяй /сяда тов– монг./ ус «вода, река», умбах «купаться, плавать», урсалт «течение, поток», уух «пить», угаах «мыть, стирать, обмывать»; древнеиндийскяй /сяда тов–др.-инд./ удан «вода»; древнетюркскяй/сяда тов. тюрк./  усаг «жажда», усуг «поток»; албанскяй /сяда тов–алб./ уй «вода» /м-э уемс, уйсь/; литовскяй /сяда тов–лит./ упэ «река, течение»; фракийскяй /сяда тов–фрак./ уту «вода», упа «река», уйс- «вода, река»; древнегреческяй /греч./ у- «идти, лить» /о дожде/, уэй «идёт дождь», угра «влага, жидкость», удос «вода», удоор «вода, дождь», ауос «сухой, высохший» /букв. «безводный»: а «не, без», кода эрзянь кяльса/, уос «вода»/, удриа «ведро, кувшин»; коми удны «поить», удз «влажный». Тя обезьянань валсь, няфтьсаськ кафта букваса–вю, арась основакс лама валонди, конатнень значениясна ули ведть колга сема /грубайста азозь, сембода ёмла пялькскя валть значенияса/. Лама тёжянь кизонь ётазь тя звуксь арась в звукокс гласнай звук мархта: м-э ведь, вепс., фин., эст./ косвеннай формань основась/ вед-, руз. вода, венг. виз и стак тов. Первобытнай основати поладовсть суффикст. Сире основась мушендови ляень лама лемса. Кой-кона лепнень эса древняй гласнайсь ётась о или и гласнайкс. Лепт древняй основа мархта ся ляйхненди, конат шудихть Россиять пределса или соседняй странаса: Уба–Иртышть притокоц, Убаган–Тоболть притокоц, Уборть–Припятть притокоц, Угра–Окать притокоц, Уда–колма ляень лем /Сибирьса, Бурятияса, Хабаровскяй крайса/, Удай /Украина/, Уж–кафта ляень лем /Украина/, Уза–Сурать притокоц, Ульма–Зея ляйть притокоц, Упа–ляйня Окать бассейнаса, Уй–Тоболть притокоц. Тиян аф оцю потафкс темать эзда. Кели значениянь валхнень древняй пингста сидеста ульсть сяда тяйня, сяда конкретнай значениясна. И ведь валсь ушедозе кинц Индокитай полуостровса, коса Меконг ляйть притоконц лемоц У /Лаосса/. Тоса улихть нинге кафта ляйхть, конатнень лемсна арасть ведти лемкс. Фкясь синь эздост Ма–ляй Вьетнамса; перс. кяльса ма «вода», греч. мада- «течь, растекаться», лат. ма- «течь, разливаться», м маци, э мацей «гусь» /ведень нармонь/. Омбоце лемсь Ка- ляй Вьетнамса; яп. ка, кава «вода, река, озеро», кор. канг «река»; перс. кан «река, русло реки», м-э, руз., фин. канава, лат. каналис «канал, водопровод». Родственнай Ганг ляйть лемоц. Ня лепне ащихть доказательствакс сянди, што евразийскяй нароттнень пяк ичкоздень предкасна вечнай оледенениять пингста, сонь васень пялестонза, эрясть Юго-Восточнай Азияса, коса эрямань условиятне ульсть сембода парот.  Ётан лексикань омбоце слойти.
Омбоце и колмоце слойхне малаценнет. Сявсаськ кака валть. Сонь значенияц «кальдяв». Основакс тя валти арасть звукне, конатнень ломанць тиендьсыне, мзярда какай. Тя основась ули и лия кялень валса: руз. какать, лат. како /сяка значенияса/, тюрк. какач «грязь», фин. каакки «позорный столб», греч. кака-, какка-/окончаниясь нолдаф/ «какать, испражняться», каккя «кал, нечистоты». Греческяй кяльса сембе кальдяфне какат: какос «плохой, неопрятный, дурной, негодный, нерадивый, неумелый, трусливый, незнатный, злой, подлый, преступный»; како- /окончаниясь нолдаф/ «мучить, угнетать, обижать, вредить, разрушать, уничтожать, изнурять, грабить, разорять, огорчать, печалить, пачкать, обезображивать»; какия «низкое качество, неумелость, негодность, недочёт, ошибка, испорченность, порок, трусость, позор, злодеяние, преступление, огорчение»; кактос «кактус» /кака, сяс мес сялги/. Лятфтасасть Акакий Акакиевичень? Рузонь кяльс ётафтови «Неплохой Неплохоевич». Греч. кяльса кака валть эзда а- приставка вельде /эрзякс а «не»/ тифт валхт, конатнень значениясна «аф кальдяв, цебярь»: акакия «кротость, незлобивость, невинность».
Рузонь кал валсь сяка ка основаста тиф –л суффикть вельде, а сонь эздонза м-э кяльса тиф вал кальдяв «плохой».
Сяфтяма нинге вал, кона тиф междометияста. Мокшетне и эрзятне содасазь айгор валть значениянц–«жеребец», тюрк. айгыр, чеч. айгхар. А коста сявовсь тя валсь? Арьседа. И лятфтасть, мокшень кяльса ули вал айгомс «совокупляться, заниматься любовью». А кода тиевсь тя валсь? Сон тиевсь ай валста: китайск., вьетнам. ай «любить, любовь, яп. ай любовь», айёку «любовь, страсть»; коми ай «самец, отец», ай порсь «кабан, боров». Ай валсь–междометия, и сонь эздонза тиевсть полнозначнай валхт. Ай междометиясь сембода сидеста няфни удивления, радость, восторг. Сяс и эвондась сонь омбоце значенияц: кельгомада башка сяда оцю радость аш.
Греч. кяльса ай валть эзда тиф вал айдойон «половой орган», айдой-оодяс «половой органонь кодяма»; чеч. айла «гульфик»; тюрк. айаг «благоговение, почитание». Китайскяй кяльса ай междометиять улихть и лия значениянза, кода и рузонь кяльса: ай «эх, ай, скорбь, горе».
Айгор валть пенц муськ. Но айгорти эряви эльде. Кода тиевсь тя валсь? Эль валста суффикс вельде. Тяни эль валть значенияц «подол», а древняй пингста ульсь «женский половой орган». Монгольскяй кяльса ал «половой орган женщины, срамная часть тела», элгэвч «передник, набрюшник»; фин. хэлма «подол, лоно», хэлмасюнти «прелюбодеяние» /сюнти «грех»/; перс. аэле «жена, супруга», элгхах «оплодотворение», элфиййе «детородный член»; греч. элдо- /окончаниясь нолдаф/ «желать, жаждать, быть предметом желания»; нем. элтэрн «родители», тюрк. эм /лия суффикс мархта/ «женский половой орган». Руз. кяльса подол «нижний край платья, пальто», тиф приставка вельде: под и ол; а или э гласнайсь ётась о гласнайкс. Структурань коре м-э эльде валсь сяда малацекс греч. вариантти элдо – «желанный» или «желанная».
Эрь кяльса сембода лама валда, конатнень юрсна ульсть звукоизобразительнай средствакс. Ломанць тонадсь корхтама природать эзда. Примеронди мокшень кяльса: цифтордомс, цятордомс, цяподемс, каштордомс, козомс; кшнямс, чакамс, шапакс, шапомс, читордомс, мон, мокша, морамс, пайге и лама лия вал. Синь изобразительнайхть. Примитивнай примерхт. Кит. кяльса ва «лягушка», сон пешкоды, вякнай, а вава валть значенияц «шаба», пешкоды нинге сяда пяк. М-э кяльса тя основаста суффикс вельде тиф вал ватракш, греч.–батракос. Мольхтяма ёмла шабаня мархта прогулкас, няеме автомобиль. Кода лемдьсаськ сонь идняти? Биби.
С.ДЕВАЕВ,
филологическяй наукань кандидат.
(Полатксоц моли).