Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Тема дня

Маскат стайхть эсь кядьсост

Коронавируснай инфекциянь эпидемиять пингста фкя инь вешеви и эрявикс товаркс арасть… маскатне. Аптекаста синь тячи аф мусайть, сяс республикань кой-кона эряйхне ушедсть стама араламань тяфтама маскат эсь кядьсост. Васенцекснень ёткса тя тевти кярьмодсь Ковылкина ошень эряйсь Татьяна Домина. Эпидемиять ушедомда инголе сон работась шторань стамать коряс ательеса, но коронавирусть инкса ательесь, кода республикань ламоц предприятиятне и организациятне, сёлкфоль. Штоба аф ащекшнемс кудса стак, авась занясь пря пяк эрявикс тевса, ушедсь сташендома маскат. Татьяна Домина аф мишендьсыне стафонзон, а явондсыне синь питнефтома.
Маскатнень авась сташендсыне марляста, бинтста, трикотажнай котфста. Тевонц тиендьсы араламань вешфкснень мяльс сявозь. Кепотьксонди, кда тевс нолдави марлясь или бинтсь, сон латцесы материалть аф кота слойса (кода мярьгондихть специалисттне), а мянцесы сонь кафксонь, вейхксонь-крда, тиендемок маскать сядонга аф пельксокс.
Мзярда Татьяна Домина кярьмодсь тя тевти, макссь объявления социальнай сетьтнень эса. Закасне ушедсть сашендома авати эстокиге. Киндивок аф атказакшни мастерицась. Валонзон коряс, мзярда сашенды зиян, аш кода ащекшнемс тянь эзда ширеса, озадонь седихть, эряви лезнемс фкя-фкянди кие мезьса машты. Земляконза сюконяйхть Татьянати пара тевонц инкса.
Улихть маскань стайхть Атяшевскяй райононь Лобаски велесовок. Нят велень клубонь заведующайсь Валентина Емельянова и учительницась Галина Сошникова. Кафцьке аватне машты кятть, ётка пингста кельгсазь стамаснон-кодамаснон. Мзярда республикасонк келемсь коронавируснай инфекциясь, а мумс маскат арась пяк стака, синь састь мяльс путомс эсь путксснон урмать сяськоманцты. Райононь Культурань кудсь макссь теест  стамань кафта машинкат. Маскатне аноклавихть марляста и лия котфста. Синь кандомат эстеенза заказчикти. Аватне стайхть маскат сембонди, кие эняльди теест. Синь ули кода муськомс, гладендамс и нолдамс тевс ламонь-крда.
Пара, мес мушендовихть ётксонк тяфтама ломатть. Синь аф аньцек лезнихть лиятненди, васендакиге, макссихть надияма сянди, што сембось кармай лац.
О.КОЛЕДИНОВА.

30.05.2020 №16
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин