Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Национальная тематика

И МОРОТ МОРАЙ, И СТИХТ ТЯШТИ

Газетаньконь тячиень номерсонза азонттама лама ширде асу мокшень стирнять Евгения Качановать колга. Эряй сон Старошайговскяй райононь Сире Теризморга велеса, мокшень коень-обуцянь ванфты семьяса. Тядянза-алянза, Зинаида Николаевна и Алексей Фёдорович Качанофне, трудонь кельги ломатть, шачфтсть-касфтсть колма стирьхть. Евгения инь ёмлась ёткстост, теенза 14 киза, тонафни 8-це класса.
Стирнясь оцю мяльса венеми содамошитненди, сембе предметтнень коряс сявонди «нилет» и «ветет». Тяда башка, сон примси участия школьнай и районнай  эрь кодама пялькстоматнень эса. И тясовок аф ёмлат  сатфксонза. Кепотьксонди, сон занцесь призовой вастт «Школьное краеведение» предметть коряс олимпиадаса, «Эрек классика» стихотворениянь азондыень пялькстомаса, «Монь храмозе» историко-культурнай конкурсса.
Евгения якай «Литературное краеведение» кружокс, варчсесыне эсь виензон сёрмадомань тевса. Сонь стихонза и азксонза печатлакшневихть идень «Якстерь тяштеня» журналса. Кельгсы сочинениянь сёрмадоманц, мялец арамс журналистокс.
Тяда башка, Евгения сафтсы морамаса. Нинге ёмланяста приметафоль стирнять тя асушиц. Аф фкя киза ни сон морси «Лаймоня» идень фольклорнай ансамбльса. Ансамбльть вятиенц Мордовия Республикань Культурань Заслуженнай работникть В.И.Пивкинонь валонзон коряс, ансамбльса морсихть 9 стирнят. Сембе синь асуфт, кельгсазь сцена лангса выступандамаснон, маштозь няфнесазь ваныхненди мокшень моротнень и щапнень мазышиснон. 20 кизода ламос  ни Сире Теризморгань народнай хорть видеса пуроптф «Лаймоня» идень  ансамбльсь. Недяляти кафксть шабатне пуромкшнихть репетицияс. Иттне тонафнихть аф аньцек морама, синь содафнихть культураньконь эсь лацонь ширензон, мокшэрзянь койхнень-обуцятнень мархта. Коллективсь  морси аф аньцек эсь республикасонк. Удалась теенза выступандамс Москувонь, Нижняй Новгородонь и Сочи ошень сценатнень лангса.
Евгения морси аф аньцек ансамбльса, но и ськамонза. Сон примси участия «Шумбрат, Мордовия!» народнай творчествань республиканскяй фестивальса, занясь призовой васта «Таланты и поклонники» республиканскяй фестивальса. Стирнять валонзон коряс, сатфксонзон сатомаса теенза лезни семьяц. Пцтай сембе конкурсненди синь аноклакшнихть марса.
Морамада башка Евгениять мялец варжамс виензон спортса, тонадомс кштима.
Стирнясь марясы прянц павазукс, мес шачсь велеса.
—Ошса эряй ламоц содафоне арьсихть, бта велесь мольфти мяль. Но тя ёфси аф стане. Монь койсон, велеса сембось эрек, кизоть эрь пингоц эсь лацонза мазы. А кодама ару тяса кожфсь! Аф нола кяденди велеса най улихть тефт. Переса касфтф ярхцамбяльсь аф канды кальдяв шумбрашити. Тейне велеса мзярдовок аф уленди скушна,—тяфтама валса шумордазе мархтон корхнеманц Евгения Качановась.

30.05.2020 №16
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин