Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Национальная тематика

КОРОДОЗЬ ВАНФТСАЗЬ СЕМБЕ МИНЦЕННЕТЬ

Инсарскяй райононь Кочетовка велень школаса ули «Ляйня» идень фольклорнай ансамбль. Сонь вятиец—музыкань учительсь С.П.Азыркина. Мокшавась лама киза ни покоди школаса, тонафнесыне иттнень морама, сцена лангса прянь вятема, мокшэрзянь культурать кельгома. Ансамбльса морси 13 шаба, ётксост улихть и стирнят, и цёранят.
Иттне примсихть участия эрь кодама музыкальнай пялькстомаса. Кепотьксонди, «Мон тонь келькте, Россия!», «Эряк, народонь вайме!», «Фольклорная мозаика» Всероссийскяй фестивальхнень-конкурснень эса сатнесть грамотат, гран-прит, призовой вастт.
«Ляйня» ансамбльть выступлениянза мазопнесазь школань мероприятиятнень. Тяда башка, эрь кизоня Инсарса ётафневи мокшень ила, коса примсихть участия райононь сембе школатне. Шири аф ляткшни Кочетовкань идень ансамбльське. Сонь репертуарсонза улихть кода мокшень, стане и рузонь морот, но сяда оцю мяль шарфневи мокшеннетненди. Ансамбльсь кирди кеме соткст Л.П.Кирюковонь лемса Саранскяень музыкальнай училищань преподавательть, Россиянь Композиторонь союзонь членть А.Е.Пивкинонь мархта. Сон латци стихнень лангс музыка.
В.П.Кирдяпкина (Порваткина)—Саровса эряй мокшавась стане жа латци морот «Ляйня» ансамбльти.
Мекольдень кизотнень Кочетовка велень «Мокшаваня» фольклорнай ансамбльса морсихне вятихть оцю работа «Ляйня» идень коллективть мархта. Эсь примерснон коряс тонафнесазь ёмлатнень, пачфнесазь мокшэрзянь культурать козяшинц од поколениятненди. Кепотьксонди, «Шумбрат, Мордовия!» народнай творчествань республиканскяй фестивальс синь шабатнень мархта аноклакшнихть марстонь музыкальнай номерхт. Сяс иттне выступандакшнихть аф аньцек эсь школасост и районцост, но и Саранскяйсовок.

30.05.2020 №16
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин