Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Обо всем понемногу

Кафтаськятне шачсть аф фкя шиня

Пяк шуроста васьфневи случай лиссь Индияса. Тоса кафтаськятне шачсть аф фкя шиня, а 40 шинь ёткста. Васенце шабанять 27 кизоса авась шачфтозе 27 апрельста, а омбоцеть—6 июньцта. Ультразвуковой исследованиясь, кона тифоль шачфтыти васенце шабать шачемдонза меле, няфтезе, што омбоце иднясь касы потмосонза башка васенцеть эзда. Врачне примасть решения: катк касонды сяда тов. Аф ваномок сянь лангс, што шабанятнень ёткса 40 ши, синь лувондовихть кафтаськакс.
Кода машфтомс чайникста лакафксть
*Каяда чайникти кельме ведь, каяда 1-3 пакеткя лимоннай кислота. Ведть лакафтость. Кислотась ляпоптьсы лакафксть и сон аруяфтови.
*Стане жа можна тевс нолдамс уксусонь эссенциять (1 пялькс эссенция 6 пялькст ведь), эждемс чайникть 60-70 градусс и кирдемс сон 20-30 минуташка тол лангса, а меле лацкас штамс.
*Лакафкссь чайникста или кастрюляста машфтови, кда пидемс эсост марень, лимононь, грушань или модамарень кетть. Тяда меле кядьготне мрдафтсазь ингольдень тюсснон, а лакафкссь лац штави губкаса.
*Сембода тёждя способсь, кона ладяй чайникть аруяфтоманкса—лакафтомс эсонза литра кока-кола, пепси-кола или спрайт напиткат. Ня симомбяльхне лац солафтсазь лакафксть и сон тёждяста урядави губкаса.

Авась:
—Мялезе тейть азомс, што мирдезе кудса кармай улема частта меле.
Алясь:
—Но мон вдь мезевок кальдяв  тиемс аф срхксян!
—Вов именна, аф срхксят. А пингта ляткшни коль сяда и сяда кржа…
 
Психиатрти сась аля:
—Пелендян, ашень лисе ли ёньцта…
—Мес тяфта арьсят?
—Пяк ни ёнюкс кулеви сембось, мезе тейне корхтай рьвязе.
 
Мирдсь кизефнесы рьванц:
—Мезе  тиелеть, кда лотереяса сатолень ярмак?
—Сяволине  пяленц и яволень мархтот.
—Пара! Тячи вов  сатонь сяда цалковай. Сявк пяленц и ворьготть тяста!
 
Одксшись—тя мзярда содасак, косот маластонь винань сембе лавкатне, но аф содасак, косот поликлиникась и аптекась.
Кда доллархне касольхть пальматнень лангса, стирьхне ласькондельхть обезьянатнень мельге.

30.05.2020 №16
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин