Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Тема дня

МОРДОВИЯНЬ ОЦЮНЯСЬ ВЛАДИМИР ВОЛКОВ ПОЗДРАВЛЯНДАЗЕНЬ ВЕЛИКАЙ ОТЕЧЕСТВЕННАЙ ВОЙНАНЬ ВЕТЕРАТТНЕНЬ ПОБЕДАНЬ ШИТЬ МАРХТА

Т.М.Кошелевати 9 майсь—кафтонь-крдань праздник: тя шиня теенза топодсь 97 киза. Мзярда ушедсь войнась, сон аделазень 4 ковонь медицинскяй курснень и кармась работама Ковылкинаса эвакуационнай госпитальса, а 1942 кизоня, салава тядянзон-алянзон эзда, макссь заявления райвоенкомату фронту молеманц колга. Ульсь фельдшеркс, воявась Ленинградскяй фронтса, лихтсь боень паксяста 150-да лама солдат.

 

«Спасиба Тейть сембонкса, мезе тиеть Тон странати,—мярьгсь Владимир Волков.—Арьсян Тейть кемодонга кеме шумбраши, штоба минь мархтот и Тонь 100 кизонь юбилейцень васьфтелеськ, и сяда товолдонь юбилейхнень и Сяськомань шить мархта, Тонь!»

 

А.И.Плехов ульсь Сталинградскяй битвань участникокс 242 гвардейскяй стрелковай полкть 82 гвардейскяй стрелковай дивизиянц лувксса. 1943 кизонь 14 январьста Манштейнонь армиянц наступлениянц каршес воявамста ранендафоль. Пчкамда меле примась участия Донбассть воляс нолдамаса, Днепрть форсировандамаса, Запорожье и Одесса ошнень инкса тюрематнень эса. 1944 кизонь июльста сявомок ульсь участникокс Висло-Одерскяй операцияса, Магнушевскяй плацдармса тюрематнень эса.

 

«Александр Иванович, тядде лама кизоста васенцеда минь поздравляндатама фкя-фкянь телефон вельде—фалу васетькшнеме, Тон фалу лувондыть тейнек стихнень Победань шить праздновандамста. Учсаськ Тонь од книгатнень, синь тейнек пяк эрявихть, инь пяк—од ломаттненди. Тейть ули мезень колга тяштемс: Тон примать участия Сталинградскяй тюремаса, улеть Берлинть сявиензон лувксса. Книгатне Тонь пяк цебярьхть и стихневок пяк цебярьхть! Тяштть нинге, минь синь нолдасаськ. Тядде минь нинге васьфттяма, обязательна васьфтьсаськ Сяськомань шить сяда меле. Ётай ков-кафта, сембось сетьми, кармай ётафтф и парад, и салют, и Тонь мархтот марстонь васедеманьке. Шумбраши Тейть, оцю праздникть—Победань шить мархта!»—мярьгсь Владимир Волков.

 

А.Д.Пенко 1941 кизоня Ленинградскяй артиллерийскяй училищаса тонафнемать шумордамдонза меле сявфоль фронту. Примась участия Ленинградть ала, Сталинградть араламаса бойхнень эса, Белоруссиять и Польшать араламаса.

 

Телефонца корхтамста ветеранть стиренц Татьяна Аркадьевнань мархта республикань Оцюнясь мярьгсь азомс Аркадий Даниловиченди поздравленият и седи ваксстонь благодарностень валхт Великай Победать сатоманкса.

 

«Мон мяляфтса, кода меля Аркадий Данилович корхтась площадьса, нинге отькорьста ащезь, и тяфта лац корхтась! Сонь, азома сявок, пяк фкя лацоннет судьбасна монь атявозезень Николай Егорович Черниковонь мархта. Сон стане жа ульсь артиллеристокс, воявась, сась Саранскяи служама, сяльде служась Германияса, а сяда тов синь Королевонь мархта Капустин Яр полигонца ракетат нолясть. Мон седи ваксста поздравляндаса Аркадий Даниловичень и сембе тинь семьянтень праздникть, Победать мархта!»—мярьгсь Владимир Волков.

 


14.05.2020 №18
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин