Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

Тяшти стихт, сёрмады картинат

Лиля стирсь творческяй. Варчсесыне виензон стихонь тяштемаса и тя сонь аф кальдявста лисенди. Эсь стихсонза шнашендсы шачема масторть мазышинц, а стане жа азонкшни мокшэрзянь аватнень эряфснон-ащефснон колга. Стихонь тяштема Лиля ушедсь кафта кизода инголе. Тяни, кудса ащемста, сонь эвондась сяда лама пингоц тя тевонди. Вов тяфтама строчкат лиссть стирть перанц алда ёфси аф кунара.

 

Акша келусь шаманц

 

                                     штай

 

Кельме раса ведьса.

 

Шись кудрянзон сюдеряй,

 

Тяфта мяленц петьсы.

 

Ванка, тага повфтась

 

                              пилькст,

 

Сотозе руцянц.

 

Мазоптозе шачем ширть

 

Ёфси од рьвяня…

 

Лиля кельгсы родной кяленц, а сяс и сермады мокшекс. Школаса тонафнемста сон аф весть примсесь участия мордовскяй (мокшень и эрзянь) кяльхнень коряс республиканскяй олимпиадаса. Меля региональнай этапса стирсь лиссь сяськикс.

 

Тяниень пингть Л.Байчурина тонафни Н.П.Огаревонь лемса Мордовскяй госуниверситетонь довузовскяй подготовкань и средняй профессиональнай образованиянь факультетса. Коронавирусонь эпидемиять сюнеда тонафнемась вузса тяни мольфтеви дистанционнайста, сяс Лиля тусь ошста вели и тоса онлайн-режимса тиендьсыне макссеви заданиятнень. А ётка пингста занци пря эрь кодама тевса. Кельгсы пидеманц-панеманц. Инь лац сонь лисендихть пяряканза, пиццац. А нинге стирсь сёрмады бисерста аф фкя лацонь картинат и шкаень ликонят. Тянди сонь тонафтозе школань учителец Л.И.Поршина. Картинанзон Лиля казендьсыне мала и радня ломанензонды.

 

 


14.05.2020 №18
 
 
 

 
НОВОСТИ
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин