Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

ШАЧЕМА ШИРЕЦ—САРГА ВЕЛЕСЬ

Шачсь И.П.Алямкин 1918 кизоня Старошайговскяй райононь Сарга велеса мокшень крестьянскяй семьяса. Шабакскиге лац содазе кши сускомнять питненц, варжазе сокаень-видиень аф тёждя тевть. Ваня (Иван Петрович) велень школаса тонафнемста лувондовсь фкя инь цебярь, инь способнай ученикокс. Аф стак Саргань школать аделамда меле прважави тонафнема Саранскяень педагогическяй техникуму. Тосовок тонафнихнень ёткса няевсь, кельговсь сембонди. И аф аньцек сяс, мес лац тонафнесь, но и сяс, што мокшень цёрась ульсь серьезнай, цебярь ялга, активнай общественник.

 

Техникумда меле Иван Петрович кучеви Старошайговскяй райононь Темяж мокшень вели школань учителькс, коса няфтезе прянц аньцек цебярь ширде. Курокста  путови школань директоркс. Тевонза мольсть лац. Сон кельговсь и учительхненди, и ученикненди, ётксост оцюволь авторитетоц.

 

Работамс да работамс од педагогти, од директорти, но тяса ушедсь Великай Отечественнай войнась. Войнань кизотнень Иван Петрович, кода корхнихть, ульсь  передовойса, эсь прянь, эсь эряфонь аф ужяльдезь тюрсь немецко-фашистскяй захватчикнень каршес. Но фкя бойса пяк стакаста ранендафоль, теенза макссть инвалидностень группа. Савсь мрдамс меки шачема-касома краи.

 

Войнань кизотне кемокстазь И.П.Алямкинонь характеронц и волянц, лездсть лацкас тонафнемс эряфть. Сон ушеды работама военкоматса. Лама ломань  прважай фронту. 1945 кизоня серьгядеви партиянь Кадошкинскяй райкому. А колма кизонь ётазь кочкави Болдовав партиянь райкомонь омбоце секретарькс. Тя вастса сембода лац няфтевсть И.П.Алямкинонь руководителень асувоц, ломаттнень мархта работама маштомошиц, фалу вешендемань киса ащемац. Аф стак 1957 кизоня самай теенза максфоль довериясь улемс райисполкомонь председателькс. Тя вастса покодема пингстонза ламось ушедсь полафнема цебярь шири. Васень мяльсь кармась шарфневома экономикать кеподеманц, социальнай кизефкснень решандамаснон, сембе уровенень кадратненди вешфкснень касфтомаснон лангс.

 

Сяльде кочкави райкомонь васенце секретарькс. Тя сядонга ответственнай вастса покодсь районть лоткафтоманц пингс. Тясовок сембоса сафнезе, эсь прянц няфнезе видешинь кельгикс и эсь тевонь лац содайкс, порядочнай и эсь валонь кирди ломанькс. Сон кельгозе дисциплинать, сембоса порядкать, седиец фалу панжадоль ломаттненди, шарьхкодезе лиянь сярятьфть, сембе пингть аноколь лездомс кажнайти.

 

Болдовада меле Иван Петрович работай райисполкомонь председателькс Инсарса, Рузаевкаса, Атяшеваса. 1966 кизоня ётафтови Мордовскяй    АССР-нь Верховнай Советть Президиумозонза организационнай отделонь заведующайкс. А 1973 кизоста сявомок и пенсияс тумозонза сон вятезе Мордовиянь госучреждениянь     работниконь       профсоюзонь обкомть.

 

Аф ваномок сянь лангс, што Иван Петрович занцесь оцю руководящай вастт,  сякокс ляткшнесь скромнай, пара вайме и аф прянь няи ломанькс. Кельгозе тядянь-алянь кяльть и эрь мокшень ломанть мархта пара мяльса корхнель родной кяльса-валса.

 

Нюрьхкяняста азозь, И.П.Алямкин—Сарга велеса шачф мокшалясь—эсь эряфонь кинц ётазе честь мархта, кода афкуксонь патриот, мокшэрзянь народть достойнай цёрац. Арьсян, ся, мзяра цебярь тись сон эсь республиканцты, эсь народонцты, мзярдонга аф юкстави.

 

 


 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022