Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Юмор и сатира

ЁЖУ АТЯ

Бабась эстокиге кярьмодсь тевти. Курок газовай плитанц лангса тжназевсь сивольнясь. И аф лама пингта меле пачкалгсь шра лангсоль.

 

—Ярхцак, Сёма, топодемс! Алясь сявсь цянгоняса сиволь пакшкя, ёразе поремс, да шуказе прянц и путозе цянгонять.

 

—Аф моли?—пичедезь кизефтезе Матя.

 

—Аф моли, кельгомняй. Улема, маласькоды куломазе...

 

—Да тон месть?! Аньцек аф кунара пенсияс туть и куломать квалма ушедоть корхтама? Пади, медпункту гайфтян? Катк седицень ванцазь, давленияцень ункстасазь.

 

—Пелян, медицинась аф лезды.

 

—Эста месенттяма?—трнаты вайгяльса кизефтезе бабась.

 

—Матя, магазинць аф ичкозе. Ласька тоза, сяфть сюлеканя...

 

Матя цють аф ласькозь тусь лавкав. Кемоньшка минутада меле вина сюлекась шра лангсоль ни. Матя сонць каясь стопканя, путозе атять инголи.

 

Сёма симозе стопкать, ушедсь ярхцама. Сонць пяшкодезе омбоце рюмкать. И тевоц тусь. Колма стопкат яфодсь, порезень шяняпненьге.

 

—Эрь, тяни кода марясак пряцень? Тага мезевок эряви?

 

—Тяни, Матя, эрька маттама, а ванды калмонди васта ваттама!

 

—Эхи ёжуват, Сёма, эхи ёжуват! Мезе ина, кда петьсы шумбрашицень, эрь ни лапотть ...зарникпря улефтярят!

 

М.Бычков.

 


14.05.2020 №18
 
 
 

 
НОВОСТИ
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин