Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обо всем понемногу

Ялгаксшись сась апак учсек

Челябинск ошть маласа лиссь авария. 37 кизоса Роман Мирдасалихов ардомста лиссь каршек арды автомобильти и эрьхтсь Пермь ошень 49 кизоса Станислав Чащухинонь машинанц мархта. Дивандафты ся, што кафцьке лядсть шиса. И муворуть, и зиянц повфть путозь Челябинскяй областной клиническяй больницяв, фкя палатав.

 

Станиславонь токавсь пряц и синдевсь карязбакарец. Романонь токавсь пря уец и сюрокоц. Васенда алятне ашесть корхта фкя-фкянь мархта, но сяльде ушедсть, а тяни ни рахсихть. Чащухиттнень семьясна Романонь лангс кяж аф кирди. «Главнайсь, кивок ашезь шавов,—корхтай Станиславонь рьвац Ольга.—Мезе аньцек аф уленди эряфса».

 

Романонь мала ломаненза эряйхть ичкозе и аф сашендовихть варжамонза больницяв. Ольга якай кода мирденц, стане жа ДТП-нь муворуть мельге. Авась шутендай, кле, тяни, мзярс Станислав аф пчкяй, сави Романонди пенгат лазондомс, перенц шувондомс. «Мезьса лездован, лездан, аф атказан,—мярьгсь Роман.—Ломаттне синь цебярьхть. Аф содаса, мезе тиельхть лиятне мархтон, а Ольга эздон аф шарфни. Кие содасы, пади, ялгафттама семьянек?»

 


14.05.2020 №18
 
 
 

 
НОВОСТИ
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин