Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Религия

НИКОЛАЙ УГОДНИК АРАЛАМАЗЬ ЗИЯНДА

Аньцек матодовонь—тага кульса: «Стяк!» Цють стявонь васта лангста, прязе стака, шары. Меле шарьхкодень: пянакудть вдь рана сёлгине. Ёрдань пря кенкшти, панжине келес, штоба ульцяста кожфсь суваль. Меле ласьконь шабаненди, а синь шамасна шуфтомфт, сельмосна коньфт. Шукиян эсост, монць урокодан. Ульцяса ве, телефонозе аш, китне валяфт. Прань плманжа лангс, люпштайне шабанень мяштезон, мезе тиемс, аф содаса. Шаштонь шкаень ликонять малас и ушедонь эняльдема: «Николай Угодник! Аралайть шабанень, тейне синьфтомост эряф аш!» Меле бта кие-бди водендамань. Сявонь кургозон кельме ведь и ушедонь пркшамост иттнень мархтонза, тияк палсень эсост. Аф лама пингонь ётазь церане панжезь сельмоснон, а синць ащесть вийфтома. Мадоме ряцок, тяфтак и матодовоме панжада кенкш мархта. Спасиба Николай Угодниконди—шарфтозе зиянть семьяньконь эзда.

 

Людмила Борисовна.

 


02.06.2020 №
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин