Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Мон арьсян, што сярядян коронавирусса.

Мезе ба тинь арьселеде, кда сргоземок шобдава 2019 кизонь декабрьста оцю температурать и кргаса сярятьфть эзда? «Улема, кельмофтевонь»,—вов мезе. Тячи, няк, цютькада кеподсь температурась, эвондакшни ни пелема, таколдома «Мон, улема, сярятькстонь коронавирусса!»
Таргасть крхкаста ваймонтень. Да, тяни сембе мирсь тюри тя аеркс инфекциять мархта. Сон ули кода фатямс сембе вастса, но и эряви содамс мерат шумбрашить лангс пеняцямста.
Сузокстомась—тя нинге ёфсикс аф коронавирус. Тя, бльшай, риновирусонь симптом, тунда мархтонза сярядихть инь пяк, и ламотне. Сон аф пелькс и пчкафневи курокста—путняфнема эрявикс путерькст шалхкти. Лихорадкась, кода лувондови сембе мирса,—тя температурать касомац 37,3 градусти. Но коронавирусть пингста эряви шарфнемс мяль эсь прянтень маряманцты и/или 38 градуста сяда оцю температурать лангс. Но тяда эряскода путомс эстеенть диагноз. Тинь прянь маряманте ули кода сотомс кельмофтевомать или гриппть мархта. Синь симптомсна пцтай фкя лацоннет COVID-19-ть мархта.
Но мезе тиемс, кда кеподсь температурась, эвондась мяштьса сярятьф и коське коз. Кодама симптомпненди ули кода кяшендемс кальдявста прянь марямать эшксс. Улема, тинь ОРВИ (кда температура и шуди шалхкста, ронгсь маряй) или вихонзась аллергиясь (шудихть сельмоветтне и муцяй кшнямась, инь пяк аллергиянь эвондафни шуфттнень ала). Но оцю температурась коське коз мархта—тяфтамот жа и коронавируснай инфекциять симптомонза. Лисенди, тяньге аш кода кадомс ширети. Мезе эста тиема? Звоняда эряма вастонтень коряс поликлиникав и азондость симптомонтень. Врачсь азсы, ащемс теенть кудса или эряви тердемс скорайть. Кда ломанць и мархтонза эряйхне аф канневихть рисконь группати (65 кизода сиретне, хроническяй урмаса сярядихне, онкологияса сярядихне, пекихне) и, кда урмась ётай аф стакаста (температурась 38,5 градуста аф сяда оцю и ваймось тарксеви лац) и, кда эрямань условиянте кондястихть кудса пчксеманди (эрятада ськамонт), эста, аф ваномок диагнозть лангс, больницяв путнемс тинь аф эряфтада.
Кда тинь звоняде поликлиникав и азондость симптомонтень, врачсь должен самс варжамонт. Но тяниень стака пингть сашендови учсемс кафтошка ши.
Докторсь тинь кулхцонттядязь, мерасы температурать и кочкай эпиданамнез—кизефттядязь, мекольдень пингть уледе ли омба масторса или уледе контактса сятнень мархта, кие сась тоста. Сяльде докторти эряви сявомс ПЦР-анализонди мазок, и результатсь содави кафта-колма шида меле.
Но нльне эста, кда тинь козовок ашеде арне и ашеде кирде контакт путешественниконь мархта, сякокс 14 шис карантинца тинь карматада ащема. А карантинда меле сякокс ащема самоизоляциянь режимса.
Кой-кит кизефнихть, што аш мяльсна учсемс врач 2-3 ши, а ёрайхть максомс анализть эстокиге. Да, тянь тиемс ули кода курокста, но питне лангс. Нинге эвондакшни тяфтама кизефкс, што фкя тестсь—тя кржа и эряви максомс сонь нинге весть? Афкукс, тяфта. Росздравнадзорть мярьгоманц коряс, коронавируснай инфекциять диагностикац ПЦР-нь методса ётафневи кафксть сятненди, кие ётафнесы инфекциять симптомфтома, и колмоксть сятненди, кинь улихть ОРВИ и/или коронавирусонь инфекциянь симптомонза.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022