Поиск по сайту: 
 
Наши мокшанские сыновья и дочери
Тема дня
Национальная тематика
Культура
Обратная связь (Газета - Читатель)
В Госсобрании РМ
В Правительстве РМ
Демография
Здоровье
Мокшане о мокшанах
Как жили и живут мокшане
Ветеранам о ветеранах
Молодежный клуб
Наша усадьба
Наука и жизнь
Спорт
Благотворительность
Указы Главы РМ
Религия
Люди и дела
Закон и порядок
АПК
Обо всем понемногу
Экономика
Мокшень правде-90!
Наша семья
Письма из села
Юмор и сатира

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 
Юмор и сатира

МЕС КЯШЕНДСЬ САМСОН

Эх тон ярмак!
 Эх тон
ярмак!
Зепстон мес
шуваркс шудят?
Эздон мес лият
тон вармакс?
Коста тяни тон
мумат?..
Моронясь тя
алять прянцты
Сувсесь эряма
аф весть:
Эрявсь,
мярьктяма, рьванцты
Наряжамс пряц
педа-пес.
Зрнянь пилькст
 теенза рамак,
Кямот—
Турцияста ускфт,
Валондомс и мяштьс,
и шамас
Мянь Парижса
нолдаф духт…
Рамась, мезе эрявсь
рьванцты,
Ярмаксь тянкса аф ужяль.
Изь юкста Самсон эсь
прянцка,
Наряжась—тусь
сембонь мяльс.
Якай, мярьгат, пяк ни козя,
Пильгста пряс инь
одса щаф.
Нят Швейцариянь—лац
содафт—
Кядьсонза сонь
питни частт.
И од ор вдруг рамамс
нинге
Арьсесь Ольганя рьвясь,
Кодама тяль уле киньге.
Содась тевонц ёню прясь.
Ангорясь Самсон эсь
шалхконц.
Ярмак аш, аделавсь псиц.
Ольга палсемонза ашкодсь:
—Мирденяй, тон
сяфть кредит!..
Тонцень кельгомацти, аля,
Аньцек мезе аф тият!
Перьфкат моря, и
хоть ваят,
Сякокс рьвяцти тон уят.
Кулхцондсак, сон
мярьги мезе:
—Церькавбряста
 лийхть!—тисак!
Арьсят:
«Шавован… Ну пезе…»
Шкайсь ужяльттянза—
шисат!
И кредитсь
Самсононь кядьса,
Ольгань лангса питни орсь.
Зрнякс пиндолды нарядса,
Стане мазы—аде ворьть!
Рамафть штазь синь
ресторанца.
Эхи весяласта штазь!
Ялгат тернесть
нльне тянкса.
Кштисть и морасть.
Орть пяк шназь.
Пингсь изь учсе—
шудезь шудесь.
Сявсть кредит, сянь
 цють юкстасть.
А сбербанкса ашесть уда—
Телефонцнонды кундасть.
И Самсононьконди
лятфтазь:
Ётни шумонц
пандомс пингсь.
Кизефксть оржаста
пяк стяфтозь:
Мулезе сбербанку кинц!
Алясь ангорязе шалхконц.
Мес пяк курок пингсь
 тя сась?
Кода шумоц тяни пандомс?
Рьвятивок тя
кизефксть макссь.
Лувозь—ярмаксна аф
шадыхть,
Ярмаксна синь—чикшт
да пакшт.
Ольга мярьгсь:
—Азк, учихть, пади…
Пингсь изь учсе—
шаштозь шаштсь.
Тага гайфтсть весть
телефонца:
—Аля, шумоцень юкстать?
Няемс ёратама тонцень…
Тячи пялот учемасть!..
Ольга эстокиге ворьгодсь,
Аканц пяли ласькозь тусь.
Ворьгодемс Самсон пяк
нолгадсь,
Кяшемс вастоня тязк мусь.
Кенкшенц сёлгозе замокса,
Кафта пяли пелезь ванць.
Пирьфса пиненц
малас лоткась:
—Нолдамак куднязт,
Полкан!
Ванць Полканоц
сельмонь тетькозь,
Пулонц яфчазе сияк.
Тяфта кошардозе:
—Эцек!
Месть учсят? Ина сувак!..
И сувась эсь пиненц пяли,
Ронгонц тонгозе Самсон.
Тяса кидовок аф пели.
Вешендест—аф муви сон!
Пристафне састь—
алят тазат.
Шумуть кенкшсонза замок.
Кали аяш кудса азорсь?
И Полканць увазевсь вчёк.
Кяжиясь, шять:
Нят—аф содафт,
Мокшендаса
кенкшти шавсть.
Лиссь Полканць
кудняста кодак,
Каршезост синь:
—Гав! Гав! Гав!
А Самсон Полканть коль
усксы,
Меки потафтсы кудняв.
А Полканць сонь цють
аф сусксы,
Усксы кудстонза ульцяв…
Рахасть пристафне—
исть кирде.
Шуму алясь коза кяшсь!
Лиссь Самсон эсь
пиненц ширде,
Ашезь кяшендев
ни—стясь…
Маладсть
пристафне, пшкядсть:
—Саме местема,
тонць шарьхкотьк!
Эрька, аля,
корхнетяма мархтот!
Анатолий ТЯПАЕВ.
 

11.06.2020 №22
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 

АРМИЯВ СЛУЖАМА РЕСПУБЛИКАСТА СЯВФ ПЦТАЙ 1000 ЛОМАНЬ

15 июльста Саранскяйса Мордовия Республикань Пресс-центраса ётафтовсь пресс-конференция, кона лемтьфоль Российскяй армияв тундань призывть итогонзонды.

 

Пингстонза Мордовия Республикань военнай комиссарсь, полковниксь И.В.Тихомиров пачфтезе журналисттненди: кле, кода и ётай тунданя, республикаста армияв сявф пцтай 1000 од ломань, конат шумбрашиснон коряс кондястихть арамс военнослужащайкс. Тя цебярь итогть сатоманкса, тяддень 1 апрельста сявомок и 15 июльти самс, республикань призывной комиссиятне пандемиянь условияса ётафтсть оцю работа. И тянкса теест эряви азомс оцюдонга оцю спасиба.
 

 

23.07.2020
 

ТЯЧИЕНЬ ВЕШФКСНЕНЬ КОРЯС

Саранскяйса ульсь Мордовия Республикань Государственнай Собраниять 47-це сессияц, конань ётафтозе МР-нь Госсобраниять Председателец Владимир Чибиркин. Тя мезтьке сессияс тертьф депутаттнень лувкссна аф ламоль. Решениянь примамс тевс тага нолдафоль панжада вайгялень максомась, а электроннай системась тевс апак нолдаколь.
 

23.07.2020
 

ВАСЕДЕМА РОССИЯНЬ ФИНАНСОНЬ МИНИСТРТЬ ВАСЕНЦЕ ЗАМЕСТИТЕЛЕНЦ ЛЕОНИД ГОРНИНОНЬ МАРХТА

Мордовиянь Оцюнясь Владимир Волков 17 июльста Москуса васетькшнесь Россиянь финансонь министрть васенце заместителенц Леонид Горнинонь мархта.

 

Ванондовсть регионть и РФ-нь Финансонь  министерствать ёткса национальнай проекттнень эряфс ётафтомаснон, а стане жа республиканскяй бюджетть сбалансированностенц обеспечендаманц и социальнай сембе обязательстватнень пяшкодемаснон коряс марстонь тевонь вятемань кизефксне.

 

Тяда башка, корхтамась мольфтевсь республиканскяй бюджетть 2021 кизонди и колма кизонь планонь пингти формировандаманц колга.

 

23.07.2020
 

МОРДОВИЯНЬ ОЦЮНЯСЬ ВЛАДИМИР ВОЛКОВ ВАНОЗЕ, КОДА МОЛЬФТЕВИХТЬ КИТНЕНЬ ПЕТЕМАСНА САРАНСКЯЙСА

Мордовиянь Оцюнясь Владимир Волков 20 июльста ётафтсь выездной совещаният Саранск ошень ки лангонь объекттнень эса. Совещаниятнень эса примасть участия Мордовиянь Правительствать Председателец Владимир Сушков, Правительствать Председателенц заместителец—республикань строительствань, транспортонь и дорожнай хозяйствань министрсь Виктор Цыганов, ошень Администрациянь и подряднай строительнай организациянь представительхне.
 

 

23.07.2020
 

«СЕМБЕ ПРОЕКТТНЕ ЭРЯВИХТЬ РЕСПУБЛИКАТИ»

11 июльста, Мордовия Республикать и «Российский Союз строителей» работодателень Общероссийскяй                       межотраслевой объединениять ёткса соглашениять подписандамста, Мордовиянь Оцюнясь Владимир Волков и строителень Российскяй Союзть президентоц Владимир Яковлев ванондозь регионти важнай проекттнень эряфс ётафтомаснон марстонь работать вятеманц коряс кизефкснень.
 

 

16.07.2020
 

Владимир ВОЛКОВ: МИНЬ ГЛАВНАЙ ЗАДАЧАНЬКЕ—ТИЕМС РЕСПУБЛИКАНЬ СЕМБЕ ЭРЯЙХНЕНДИ МЕДИЦИНСКЯЙ ЛЕЗКСОНЬ МАКСОМАНЬ ЦЕБЯРЬ УСЛОВИЯТ"

13 июльста Саранскяйса Победань площадьса ётафтовсь важнай мероприятия—максовсть панжемат вастста вастс пачфневи медицинскяй комплекснень и медицинскяй курокстонь лезксонь максомань машинатнень эзда республикань больницятненди. Марнек Мордовияв «Здравоохранение» национальнай проектть эряфс ётафтомань рамкаса максф 43 транспортнай средства—вастста вастс пачфневи 33 медицинскяй комплекс (синь лувкссост фельдшерско-акушерскяй 17 пункт, 9 маммографт, 4 стоматологическяй комплекст, 3 флюорографт), а стане жа курокстонь лезксонь максомань 10 машинат.
 

 

16.07.2020
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 

МОРДОВИЯСА ПАНЖЕВИ ПАМЯТНИК МИХАИЛ ДЕВЯТАЕВОНДИ

Российскяй военно-историческяй обществась примась Торбеево поселкаса, Советскяй Союзонь Геройть Михаил Девятаевонь родинаса, памятникть, кона сембе пингс кемокстасы сонь подвигонц колга мялямть, стяфтоманц колга решения. Кода удалась содамс, скульптурнай композициять инь цебярь проектонц лангс ётафтови международнай творческяй конкурс художникнень-монументалисттнень ёткса. Сонь итогонзон творческяй Советонь эксперттне тисазь 15 июльста. Стяфтомс монументть арьсеви тяддень кизоть шумордамс.

 

 

03.07.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин