Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

И.БЕЛКИН: «ГОРДОСТЕНЬ МАРЯЗЬ АЗСА, МОН—МОКШАН»

Игорь Белкин шачемас коре Зубово-Полянскяй райононь Велязем мокшень велеста, коса эряйхть сонь мала ломаненза. Тядянза-алянза, Наталья Владимировна и Вячеслав Мефодьевич, трудонь кельги ломатть, работакшнесть колхоза. Аляц профессияс коре—зоотехник, тядяц—бухгалтер.

 

Школать аделамда меле Игорь сась мяльс арамс юристокс, хуш арьсекшнесь и инженеронь профессиять колга. Цёрать валонзон коряс, мялензон полафтозень сяда меле, кода семьяц повсь палас и эрявкстсь цебярь адвокат. Эста сон и арьсезевсь, конашкава пара тяниень пингть лац содамс закоттнень и маштомс эсь прянь аралама.

 

Университетса Игорь тонафни аньцек «ветес», фалу анок варжамс содамошинзон тевса. Пичеди, мес тядде коронавирусонь пандемиять сюнеда ашель тонафнемань практикац.

 

Вов кода сонць мокшень цёрась азонды эсь сай пингонь профессиянц колга:

 

—Пяк мялезон юристонь профессиясь. Ламонцне корхтайхть, што юристта тяни пяк лама и стака мумс тонафнемада меле покодема васта. Койсон, хуш юристта и лама, но цебярьда ёфси кржа. Адвокатонь тевть ламонцне сялдсазь, кле, мезенди аралакшнемс кальдявонь тиихнень. Но тяса эряви кирдемс мяльса сянь, што, ужяленди, тюрьмав озафнень ёткса аф сембе преступникт. Ломаттнень мархта лисендихть зиятт и теест эряви лезкс.

 

Юристти тонафнема эряфоньберьф. Од закотт эвондакшнихть пцтай эрь шиня. Кепотьксонди, тяни странасонк мольфтеви Российскяй Федерациянь Конституцияти полафткснень сувафтомаснон коряс работа. Мон кафта кизот тонафнине тя документть, а тяни сон эряви тонафнемс одукс. Шарьхкотьф, основной положениятне аф полафтовихть, но и аф кржа мезе эвондай одня.

 

Юристти эряви кирдемс лама информацияда мялямса. Вдь судса аф кармайхть учема, мзярда таргасак Кодексть и ушедат вешендема эрявикс статьять. Тяда башка, маштома курокста мушендомс ответт, мазыста корхтама. Юристти эряви улемс виикс психологиянь ширде, стрессонь кирдемаса, вдь сашендови васетькшнемс аф видешить мархта.

 

Марнек пингозень сявондьсы тонафнемась. Фалу анокан лездомс содафоненди и ялганенди юридическяй кизефксса. Кода азозе фкя преподавателезе: «Кда тонафнят юристокс, ульхть анок, вдь ялгатне и семьяце ушедыхть вешема кядьстот юридическяй консультацият». И тя виде. Тянь вельде мон нолясайне тевс теоретическяй содамошинень.

 

Игорь пара вайме ломань, кельгсы велень эряфть и сонь перьфпялень мазышинц. Ётка пингста кельгсы ялганзон мархта футболса налхкоманц. Тонафнемать аделамдонза меле мялец лядомс работама Мордовияв.

 

Т.Петрова.

 


26.06.2020 №
 
 
 

 
НОВОСТИ

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин