Поиск по сайту: 
 

Архив
 июль 
 2020 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

Ф.С.Атянинонь 110 кизонь топодеманцты

1932 кизоня шумордазе Мордовскяй рабфакть и поладозе тонафнеманц Подбельскяень лемса связень Московскяй академияса. Сонь аделамдонза меле получась инженеронь специальность. Ётазень войнать кинзон-янонзон, коста мрдась 1944 кизоня и кармась работама мокшень кялень и литературань преподавателькс Москуса, театральнай искусствань институтса.

 

1948 кизоня Ф.Атянин сась Саранскяи, работась «Мокшень правда» и «Молодой ленинец» республиканскяй газетатнень эса, «Мокша» журналса.

 

Литературав сувась Великай Отечественнай войнань кизотнень, а васенце произведениянза печатлафтольхть 1939 кизоня.

 

Ф.С.Атянин сёрмадсь стихт, морот, поэмат, повестть, легендат, ёфкст, пьесат кода ёмлатненди, стане и оцюфненди.

 

«Мазы пинге» стихонь васенце сборникоц лиссь 1954 кизоня. Сяльде мокшень и рузонь кяльса лиссть книганза: «Сельведь-богатырь», «Тунда», «Чудо над Мокшей», «Ласточка», «Серебряное озеро», «Поступок Нади», «Гимназист», «Мзярда кенерихть марьхне» и лият.

 

1967 кизоня драмань и музыкальнай комедиянь Мордовскяй театраса няфтьфоль спектакль, кона путфольф Ф.Атянинонь «Атямсь кельги мокшень стирь» пьесанц коряс, а сяда меле няфтьфоль «Китнень эзда—инь кувакась» пьесац, кона лемтьфоль легендарнай лётчикть, Советскяй Союзонь Геройть, мокшалять М.П.Девятаевонь героическяй подвигонцты.

 

Фёдор Семёновичень книганза лисендсть мокшень и рузонь кяльса Саранскяйса, Москувонь «Детская литература», «Советский писатель», «Советская Россия», «Художественная литература» издательстватнень эса.

 

Сонць народсь—вов кие главнай геройсь писательть произведениянзон эса. Сонь творчествац занци няевикс васта мокшэрзянь литератураса. Ф.С.Атянин ульсь СССР-нь Писателень союзонь членкс.

 

Кулось 1975 кизонь 10 июльста.

 


26.06.2020 №
 
 
 

 
НОВОСТИ

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 
 
 
 
 
 
 
 

ЭРЯВИ ЭРЯСКОДОМС

Кельгома ялгат! Тага весть лятфтасаськ: стаки моли 2020 кизоть омбоце пяленцты минь тинь мархтонт «Мокшень правданьконди» сёрматфтомась. Кода няеви подпискань даннайхнень эзда, ламоц мокшетне нинге ашесть тяштьфте родной кяльса лисенди газета. Сембода кальдявста тянь пяльде ащи тевсь Торбеевскяй, Темниковскяй, Ельниковскяй, Зубово-Полянскяй райоттнень эса и Саранскяйса. А тя корхтай сянь колга, што тястонь ламоц эряйхне могут лядомс мокшень газетафтома. Тя пичефти и таколфты. Сяс эряви эряскодомс. Аф лама пинге нинге ули.

 

 
«Мокшень правда» можна сёрматфтомс и интернетть вельде. Тянкса эряви сувамс «Почта России» сайтти тяфтама адресс коре: PODPISKA POCНТA.RU. Сяльде кочкама «Мокшень правда» газетать лемоц. Тяда меле тиема инструкциять коряс.

 

Пяле кизонди сёрматфтомать питнец 340 цалковай, колма ковонди—170 цалковай. Газетать индексоц П4719. Эрьда ульхтяма марса!

 

25.05.2020
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин