Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Юмор и сатира

МОНЬ ГАЛЯЗЕ

Рабочай шить аделамда меле мон аськолянь ульцява и саворне морайне «Давай никогда не ссориться» моронять. Кельгса ялга якамазень. Аськолян и моран, пара мялезон, эряскодан куду, рьвязти. Апак учсек кульса:

 

—О-о, Федя?!.

 

Шарфтонь     вайгяльти,   ванан—ялгазе. Шумбрандань.

 

—Кунара   ашихтень   няе!—корхтась ялгазе.—Кода эрят? Рьвяять? Ух, тон! Кулхцонтт, тя событиясь эряволь малостьке...

 

—Аш мзярда,—мярьгонь мон.—Кинос мольхтяма рьвязень мархта.

 

—Ну, брось. Деряй можна тяфтак! Грех, ялгай, грех... Аре,    аре...

 

Ресторанцта минь лисеме частшкада  меле.   Винать  эзда шарсь прязе. Седисон аф пяк пароль, содайне, кда марясы вина шинеть Галязе—пови тейне.

 

Явонь ялгазень эзда, тунь сяда эряздоне. Ётайне фкя ульцять, омбоцеть...

 

—Кда аф эльбятькшнян...—марян тага вайгяль. Шарфтонь. Вай, тядяняй! Рая Ильина!

 

—Ну, кода тон?

 

—А кода тон?..

 

Мзярда лятфтаськ цють аф сембе кофнень и кемонце класста сембе ялганьконь, лядьсь мялезон, учсесамань Галязе. Минь явоме, надияфтоме васедемс    оду.

 

Ёрань тумс ни куду, ульцять омба ширеста няине—фкя вастса ащи Галязе. Шкайняй, сон, улема, кунара ни учси эсон. Ласькозь тунь теенза.

 

—О-о, тонь лама рамсефтот! Мес ашеть звоня! Мон молелень тейть лездома.

 

Аф корхтай.

 

—Куду автобусса мольхтяма?

 

Аф корхтай.

 

—Васьфтине одноклассницазень. Сон тяса работай...

 

—Одноклассницазень...—полаксамань рьвязе.—Мярьголеть ина—оцяцень стиренц.

 

—Галочка...

 

—Мезе Галочка? Кафта частт ни, кода аделайть работацень и нинге коль пульхкат...

 

—Галка...

 

—Мезе—Галка? Тейть верондамс,  кода тундань эйти.

 

—Галя...

 

Мон апак корхтак тунь автобуснай   остановкати.   Ардомбачк эсь потмован морань «О дайте, дайте мне свободу» Игорь князть ариянц. Рьвязе ащесь инголен шава сиденияса и ванць вальмава. Апак учсек мон марян лафтубрясон кядь.

 

—Шумбрат, ялгай. Тон коза юмсят? Кизошка ни ашихтень няе. Содасак, монь соседказе...

 

Вай, тядяняй!

 

—Мяляфтсак, блондинканя, ёмланя, оржа нярня...

 

О, аляняй!

 

—Рая лемоц, колмошкаксть ни кизефнесь колгат.

 

Мон няфнень сурса, сельмоса, штоба ялгазе лоткаль, а сон аф шарьхкоди.

 

Фкя остановкада меле Галязе стясь и лиссь автобусста. Савсь валгомс тейневок. Туме ялганя. Киньберьф ашеме прафта тифтень валнявок. А пачкодеме куду, Галинказе мярьгсь:

 

—Пидек эстейть ужин и ащек кудса...

 

—А тон?—таяскодонь фкя вастс.

 

—Мон эряскодан. Одноклассникозе рьвяяй, тердемань свадьбас.

 

Озань шрать ваксс и крьвястень папироса. Аделайне фкять—крьвястине омбоцеть, аделайне омбоцеть—крьвястине колмоцеть. Мзярда сявине ветеце папиросать, Галязе маладсь, ашкодсь кргазон и мярьгсь стане, кода маштыхть корхтама аньцек аватне:

 

—Простиндамак, роднойняй. Мон тонь пяк, пяк келькте.

 

И тусь. И лядонь мон ськамон. Няесть, кодама монь Галязе?

 

Федор ПЬЯНЗИН.

 


29.06.2020 №
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин