Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Тема дня

РОССИЯТЬ САЙ ПИНГОНЦ ИНКСА МАКСОЗЕ ВАЙГЯЛЕНЦ МОКШЭРЗЯНЬ КРАЙСЬ

Пара азомс, што Мордовиянь ламоц избирательхне тянь лац шарьхкодезь, оцю ответственностень марязь маладсть общероссийскяй вайгялень максомати, эсь гражданскяй долгснон пяшкодеманцты. Ламотне нинге 25 сявомок 30 июнти молемс тиезь тянь. Тя пингста ингольдень лувксс коре пяшкодезь эсь гражданскяй долгснон 300 тёжяньда лама ломань. Организованнайста и цебярь активностьса мольфтевсь вайгялень максомась и кочкамань шиня—1 июльста.

 

—Оцю мяльса сань избирательнай участкав,—корхтай трудонь ветеранць Александра Кунина,—мон кельгса эсь Родиназень и надиян, што Конституцияти сувафтови од полафтксне лездыхть сядонга виияфтомс и кемокстамс сонь.

 

А вов мезе азсь избирательсь Валентина Сергушина:

 

—Мон васендакиге вайгялезень максыне сянкса, штоба сяда тов виияфневоль здравоохранениясь, макссеволь медицинскяй лезкс эрь ломанти. Вдь шумбрашись—инь питни козяшись ломанти.

 

27 июньцта Мордовиянь Оцюнясь Владимир Волков примась участия Российскяй Федерациянь Конституцияти полафткснень кемокстамаснон кизефксть коряс Общероссийскяй вайгялень максомаса. 557№ кочкамань участкав, кона ульсь Рузонь государственнай драматическяй театрать зданияса, регионть руководителец сась рьванц мархта. сувамста синь ётазь ронгть температуранц и кяттнень обработкаснон коряс обязательнай процедурать, а стане жа получазь вайгялень максоманди араламань средства мархта индивидуальнай наборхнень.

 

«Минь тяни кочкатама ки эстейнек и странати лама кизонди инголи,—мярьгсь журналисттненди вайгяленц максомда меле Владимир Волков.—Койсон, инь эрявикссь, мезе ули од Конституцияса,—тя ломаттнень социальнай гарантиясна. Граждаттнень правасна, целайнек, кемокстафтольхть и инголи, но тяни синь сяда конкретнайхть. Корхтамась моли пенсиятнень индексацияснон колга, сянь квалма, што зарплатати аш кода улемс прожиточнай минимумда ёмлакс. Тя пяк важна, што ломанть эрь шинь эряфоц ванондови Конституциять мархта».

 

Аф сяда ёмла и эрявикс петьксне сотфт национальнай безопасностть мархта.

 

«Виияфневихть странаньконь, сонь границанзон кемошисна. Лац-ряц азф, што киндивок аф полафтовихть границатне народта башка,—китькстазе Владимир Волков.—Нинге пяк важна, што цебярьгофтови власттнень баланссна. Полномочиятнень пяльксснон Президентсь   макссыне законодательнай оргаттненди—Государственнай Думати, Федерациянь Советти. И тя корхтай сянь колга, што странась лиссь касомань-вииямань од уровенти. Федерациянь Советсь—тя региоттнень палатасна, тя корхтай сянь колга, што региоттне и ломаттне, конатне эсост эряйхть, арайхть сяда малакс государствать политиканцты. Региоттнень рольсна Конституциять эса кемоксневи».

 

Коронавируснай од инфекциять пингста кочкамань участкатнень эса вайгялень максомать организациянц колга корхтамста, Владимир Волков шарфтсь мяль, што безопасностень сембе мератне пяшкотьфт, кодамовок замечаниянза сонь аш.

 


03.07.2020 №
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин